Chelsea duket “i frikshëm” me tri transferimet e reja: A munden Blutë ta fitojnë Ligën Premier?

Epoka e Todd Boehly në Chelsea është duke u zhvilluar dhe si rezultat tifozët mund të shohin një pamje krejtësisht të ndryshme për blutë këtë sezon.

Skuadra e Thomas Tuchel ishte jashtëzakonisht e kufizuar në muajt e fundit të mandatit të kaluar për shkak të sanksioneve të vendosura ndaj pronarit të mëparshëm Roman Abramovich.

Megjithatë, rusi ia shiti klubin miliarderit amerikan Boehly, kjo do të thotë se trajneri i Chelseat ka disa para në dispozicion në këtë afat.

Lexo po ashtu Ben Foster parashikon tabelën e Ligës Premier për edicionin 2022/23: Kush shpallet kampion, garat evropiane dhe kush bije në Championship

Skuadra e Londrës perëndimore siguroi vendin e tretë sezonin e kaluar, dhe përveçse do të synojë ta konsolidojë atë vend, tifozët do të shpresojnë që të jenë në gjendje të mbyllin diferencën me Manchester Cityn dhe Liverpoolin në krye të Ligës Premier.

Megjithatë, me ndryshime të rëndësishme që po ndodhin, kjo do të thotë se ka shumë pikëpyetje që rrethojnë ekipin e Chelseat.

Ata kanë përfunduar marrëveshje për Raheem Sterling dhe Kalidou Koulibaly, ndërsa Jules Kounde duket se do t’u bashkohet atyre në ditët në vijim.

Lexo po ashtu Klubet që kanë shpenzuar më shumë deri më tani në këtë afat kalimtar - Bayerni prinë dukshëm

Midis hapsirave, Chelsea ka ende në ekip portierin Kepa Arrizabalaga që sfidon për një vend në portë, megjithatë është vendosur të jetë Edouard Mendy, ai që i mban dorezat përpara rikthimit të Ligës Premier.

Në qendër të mbrojtjes, Chelsea mori një goditje duke humbur Antonio Rudiger dhe Andreas Christensen në fund të kontratave të tyre me Real Madrid dhe Barcelonan, që kapën dyshen.

Spekulimet rrethojnë gjithashtu Cesar Azpilicuetan, i cili vazhdon të lidhet me një lëvizje te Barcelona, ​​që do të thotë se Thiago Silva ka të ngjarë të mbështetet përsëri në këtë sezon.

Lexo po ashtu Liga Premier ndryshon rregullin për djelmoshat që mbledhin topat rreth fushës

Megjithatë, Blutë kanë marrë tashmë një mbrojtës të profilit të lartë në Koulibaly, dhe Kounde duket se do të ndjekë pas një marrëveshje prej 60 milionë euro nga Sevilla.

Në krahun mbrojtës, Chelsea ka dy nga më të mirët në Ligën Premier me Ben Chilëell dhe Reece James që do të jenë titullarë.

E njëjta gjë mund të thuhet në mesfushën qendrore, me Mateo Kovacic dhe N’Golo Kante të vendosur për të krijuar një themel të fortë për skuadrën e Tuchel edhe një herë.

Lexo po ashtu Raheem Sterling refuzoi të nënshkruante fanellën e Manchester Cityt - vërshojnë komentet ndaj anglezit

Në sulm, megjithatë, gjërat mund të duken shumë ndryshe.

Spekulimet rreth të ardhmes së Hakim Ziyech do të thotë se Chelsea do të vazhdojë të kërkojë sulmues, për të krijuar një partneritet me Raheem Sterling.

Në qendërsulmues, sfida për Tuchelin do të jetë zëvendësimi i Romelu Lukakut pas kalimit të tij huazues në Inter.

Lexo po ashtu Marrëveshje xhentëlmenësh mes Rice dhe West Hamit – Chelseat nuk i pritet

Lojtarët vazhdojnë të jenë në dyshime për të ardhmen në “Stamford Bridge”, por siç qëndron tani ka të ngjarë të jenë Kai Havertz ose Timo Werner ata që kanë për detyrë të udhëheqin sulmin e Chelseat.

Si mund të duket Chelsea këtë sezon:

/Telegrafi/