Lily Collins njoftoi dje lindjen e vajzës së saj, Tove, duke shprehur mirënjohje të thellë për surrogatën që e ndihmoi të bëhej nënë.
Megjithëse aktorja mori shumë urime, disa kritikuan përdorimin e surrogacisë nga yjet e Hollywood-it, duke e cilësuar si një “trend joetik”.
Në përgjigje të këtyre kritikave, bashkëshorti i saj, Charlie McDowell, theksoi se njerëzit nuk kanë pse të gjykojnë zgjedhjet e të tjerëve, shkruan DailyMail.
“Është mirë të mos jesh ekspert për gjithçka. Është në rregull të mos e dish pse dikush zgjedh këtë rrugë, por është edhe më mirë të mos përhapësh urrejtje”, tha ai.
Collins dhe McDowell, të martuar që nga viti 2021, nuk zbuluan arsyet e tyre për zgjedhjen e një surrogate, por shprehën falënderim të madh për të gjithë ata që i mbështetën në këtë udhëtim.
Përdorimi i surrogacisë nga të famshëm si Kim Kardashian, Amber Heard dhe Rebel Wilson ka qenë shpesh temë debati, me disa që e konsiderojnë një nevojë mjekësore dhe të tjerë që e shohin si një mënyrë për të ruajtur karrierën dhe pamjen e jashtme. /Telegrafi/
