Çfarë thonë sondazhet e fundit para zgjedhjeve të së dielës në Francë?

Emmanuel Macron ka hequr një pengesë të madhe për t’u rizgjedhur president i Francës duke fituar debatin kundër kandidates së krahut të djathtë, Marine Le Pen.

Kështu thonë sondazhet e fundit, ku shumica e shikuesve besojnë se Macron ishte fituesi i debatit, megjithëse ai ende konsiderohet arrogant.

Megjithëse Le Pen dukej më e qetë në duelin televiziv se sa në atë të 2017-s, ai shkoi në ofensivë totale për shkak të lidhjeve të asaj me udhëheqësin rus, politikën e Bashkimit Evropian dhe politikat ekonomike.

Përafërsisht 59 për qind e shikuesve besojnë se Macron ishte më bindës në një debat të mbajtur katër ditë para zgjedhjeve të së dielës.

Nga kjo rrjedh se një përballje gati tre orëshe nuk do të ndryshojë rezultatin e zgjedhjeve pasi Macron gëzon lidership në të gjitha sondazhet.

Megjithëse,  ai gëzon një avantazh përtej gabimit statistikor, fakti që 3 nga 10 votues nuk kanë ndërmend të votojnë ose nuk kanë vendosur ende se për kë do të votojnë, befasi e zgjedhjeve nuk mund të fshihet.

Ndërmjet 72 dhe 74 për qind e votuesve pritet të shkojnë në qendrat e votimit, pjesëmarrja më e ulët që nga raundi i dytë i zgjedhjeve presidenciale të vitit 1969.

Sipas një sondazhi të Ipsos-Sopra Steria Poll për France Info dhe Le Parisien, i kryer në një kampion prej 1600 votuesish, Macron duhet të mposht Le Penin me 57 për qind të votave dhe rreth 73.5 për qind e votuesve pritet të shkojnë në votime në raundin e dytë.

Kujtojmë se në zgjedhjet e para pesë vjetëve, Macron mori 66.1 për qind të votave dhe Le Pen vetëm 33.9 për qind. /Telegrafi/