Kampioni i ushqimit të shpejtë Joey Chestnut theu rekordin e tij të mëparshëm duke ngrënë 76 hot dog në konkursin vjetor të Nathan, i cili mbahet tradicionalisht më 4 korrik në Nju Jork.

Kjo është fitorja e katërmbëdhjetë e Chestnat në këtë garë, dhe rezultati i fundit tejkaloi rekordin e tij të vitit të kaluar – me një hot dog më shumë.

Nëse 76 hot dogët që hëngri Joey do t’i shndërronim në njësi energjie, kjo do të thoshte që 37-vjeçari ka konsumuar rreth 23.000 kalori për 10 minuta.

Sidoqoftë, gratë arritën rezultate më të këqija këtë vit në konkursin e Nathan, i cili mbahet që nga viti 1972.

Fituesi ishte mësuesja 37-vjeçare Michelle Lesko nga Arizona, e cila hëngri 31 hot dog, pothuajse 18 më pak se rekordi i vitit të kaluar.