Çfarë kishte shkruar Kim Kardashian në statusin e saj të parë në Twitter 10 vjet më parë?

Historia e saj në dokumentarin “True Hollywood Story” u publikua të dielën.

Dhe për nder të debutimit të shfaqjes, Kim Kardashian ndau me fansat statusin e saj të parë të bërë në rrjetin social Twitter, të cilin e kishte publikuar më 21 mars 2009, shkruan DailyMail, transmeton Telegrafi.

Aso kohe ajo kishte shkruar: “Hej djema është Kim Kardashian! Më në fund u regjistrova në Twitter! Ka disa falsifikime, kështu që di vetëm t’ju them se kjo është vetja ime e vërtetë!”.

Nëna e katër fëmijëve e rishpërndau këtë postim të dielën, dhe shkroi në mbishkrimin e saj: “Statusi im i parë në Twitterm, qesh me të madhe, #TrueHollywoodStory”.

Statusi i saj origjinal në Twitter, të cilin ajo e publikoi 10 vjet më parë, ka grumbulluar mbi 4,264 shpërndarje dhe 8.432 pëlqime.

Gjatë premierës të së dielës, Kim tërhoqi pas vete fansat të cilët shikuan episodin e saj të parë në “True Hollywood Story”.

Që nga statusi i saj i parë në Twitter në vitin 2009, ylli ka korrur sukses në një numër biznesesh, duke përfshirë markën e produkteve kozmetike “KKW Beauty” dhe “KKW Fragrance”, linjat e saj të rrobave dhe të brendshmeve, “Skims”, markën e saj dixhitale të krijimit të ikonave në internet ,”Kimoji” dhe lojën e saj Kim Kardashian.

Të martën, Kim do të publikojë një koleksion të ri brenda markës së saj “Skims”, dhe këtë radhë ajo po debuton me koleksionin e saj të pambukut, i cili përfshin të brendshme në pëlhurë. /Telegrafi/