Bananet kanë shumë përfitime shëndetësore, ndërkaq ju ndihmojnë t’i luftoni shumë sëmundje.

Ato janë të pasura me shumë vlera ushqimore, duke përfshirë sukrozë, fruktozë, glukozë dhe fibra, transmeton Telegrafi.

Prandaj, bananet veprojnë si rritës i fuqishëm natyral i energjisë.

Madje, një studim ka zbuluar se vetëm dy banane mund t’ju furnizojnë me mjaftueshëm energji për një sesion 90-minutësh ushtrimor.

Kjo është edhe arsyeja se përse banania mbetet pema e preferuar e shumë atletëve profesionistë.

Kur krahasohet me mollë, banania përmban:

– Trefish më shumë fosfor
– Dyfish më shumë karbohidrate
– Pesëfish më shumë vitaminë A dhe hekur
– Katërfish më shumë proteina
– Dyfish më shumë vitamina deh minerale tjera

Sidoqoftë, çfarë ndodh nëse konsumoni banane rregullisht? Më poshtë i keni disa prej përfitimeve shëndetësore që konsumimi i dy bananeve në ditë ia sjell trupit.

Ulcerat
Bananet shpeshherë përdoren si ilaç natyral për problemet intestinale. Ato e zvogëlojnë acarimin dhe aciditetin e tepërt.

Anemia
Për shkak të niveleve të larta të hekurit, konsumimi i rregullt i bananeve ndihmon në luftimin e anemisë. Hekuri e stimulon prodhimin e qelizave të kuqe të gjakut dhe i rritë nivelet e hemoglobinës në gjak.

Shtypja e gjakut
Banania përmban shumë kalium dhe pak sodium, gjë e cila e bën atë të përsosur për shtypjen e gjakut. Ekspertët amerikanë thonë se kjo pemë e ka mundësinë ta ulë shtypjen e gjakut dhe të na mbrojë nga sulmi në tru.

Thartira në lukth
Bananet përmban veti natyrale antacide që ju ndihmojnë ta trajtoni thartirën në lukth.

Depresioni
Bananet janë të pasuram e triptofan, i cili konvertohet në serotoninë – neurotransmetues që ju ndihmon të relaksohen, ta rritni disponimin dhe ta mposhtni depresionin. /Telegrafi/