Çfarë El Chapo është me të vërtetë, sipas gruas së njërit prej njerëzve më të afërt të tij

Shefi i kartelit meksikan Joaquin “El Chapo” Guzman u gjet fajtor të martën për të gjitha akuzat e një aktakuze që përfshinte trafikimin e drogës, komplotin dhe akuzat për përdorimin e armëve të zjarrit.

Sipas mediave të huaja, përcjell Telegrafi, vëllezërit binjakë Margarito dhe Pedro Flores ishin dy nga shokët më të afërt të El Chapo-s dhe janë më meritorët për arrestimin e një prej narko-terroristëve më famëkeq në botë.

Në vitin 2015, vëllezërit u dënuan me 14 vjet burg.

Ndërkohë, bashkëautorja e librit “Gratë e Kartelëve” tregon se si burri i saj e përshkroi El Chapo-n.

“Kur ata do të ngjiteshin në male dhe do të ktheheshin, ata do të na tregonin, se si ai kujdesej për vete. Ai nuk merrte vetë drogë. Ai nuk pinte. Ai donte ta mbante mendjen dhe trupin e tij të shëndetshëm. Ai merrte vitamina”, ka thënë ajo.

Sipas saj, ai gjithashtu ishte një njeri shumë i dhunshëm, kështu që të gjithë trembeshin nga ai.

“Ai nuk kishte nevojë të bërtiste. Ai thjesht do të studionte njerëzit dhe sikur i shikonte drejt në sy. Ai studionte gjithçka, çdo fjalë që ata thoshin – sepse në këtë biznes, askush nuk i beson askujt”, citohet të ketë thënë ajo.

Ndryshe, udhëheqësi i drogës meksikane Joaquín “El Chapo” Guzmán është shpallur fajtor për të gjitha 10 akuzat në gjyqin e tij të trafikut të drogës në një gjykatë federale në Nju Jork.

Sipas mediave, Guzmán, 61 vjeç, u shpallë fajtor për akuza të shumta duke përfshirë shpërndarjen e kokainës dhe heroinës, posedimin e paligjshëm të armëve të zjarrit dhe pastrimin e parave.

Ai ende nuk është dënuar, por vendimi mund të nënkuptojë burgim të përjetshëm.

Guzmán u arrestua në janar të vitit 2016 pasi u arratis nga një burg meksikan përmes një tuneli, pesë muaj më parë.

Ai u ekstradua në SHBA në vitin 2017.

Meksikani u akuzua se ishte mbrapa kartelit të drogës gjithëpërfshirëse Sinaloa, që prokurorët thonë se ishte furnizuesi më i madh i drogës në SHBA. /Telegrafi/