Çfarë cilësish ka dikush me mentalitet fituesi? Si t’i kultivoni ato

Një mentalitet fituesi është një mentalitet pozitiv dhe i orientuar në objektivat e suksesit

Nëse mendoni se nuk e keni një mendësi të tillë, ose të paktën jo në nivelet që dëshironi, ka disa cilësi dhe pika kyçe që duhet t’i keni parasysh:

Vullneti për të mësuar dhe për të rritur veten

Njerëzit me mentalitet fituesi janë të hapur për të mësuar gjithnjë e më shumë dhe janë të gatshëm të investojnë kohë dhe energji për të përparuar.

Besimi tek vetja dhe aftësitë tuaja

Ata që kanë mentalitet fituesi janë të bindur se do t’i arrijnë qëllimet e tyre pavarësisht gjithçkaje. Kjo mendësi bën të mundur që ju të mos e humbisni besimin te vetja, edhe në ditët më të vështira.

Angazhimi dhe disiplina

Njerëzit me mentalitet fituesi janë të disiplinuar dhe të përkushtuar ndaj qëllimeve të tyre. Ata e dinë se duhet të punojnë vazhdimisht dhe të jenë të përqendruar për të arritur suksesin.

Vizion i qartë dhe objektiva të realizueshme

Ata që kanë mentalitet fituesi kanë një ide të qartë se ku dëshirojnë të shkojnë dhe çfarë dëshirojnë të arrijnë. Ata gjithashtu dinë se si t’i shndërrojnë objektivat e tyre të realizueshme dhe të ndërlikuara, në hapa më të vogla.

Qëndrueshmëria dhe aftësia për t’i përballuar sfidat

Njerëzit me mentalitet fituesi nuk dorëzohen lehtësisht. Ata kanë aftësinë për të përballuar sfidat pavarësisht gjithçkaje.

Krijimi i lidhjeve të mira dhe i kontakteve të rëndësishme

Njerëzit me mendësinë e fituesit kanë aftësinë për të krijuar lidhje të mira dhe të qëndrueshme, si dhe të identifikojnë njerëzit dhe kontaktet e rëndësishme që mund të ndihmojnë në arritjen e qëllimeve të tyre, citon Anabel.

Duke punuar vazhdimisht për të rritur veten dhe për të arritur qëllimet tuaja, ju mund të kultivoni një mentalitet fituesi edhe nëse mendoni s’e aktualisht nuk e keni. Kjo mendësi është brenda secilit prej nesh. Mjafton të punoni për ta nxjerrë në pah! /Telegrafi/