Cech shpjegon arsyen pse Arsenali mori vendimin e duhur me shitjen e Emiliano Martinez

Petr Cech beson se Arsenali mori vendimin e duhur për shitjen e Emiliano Martinez, pavarësisht sukseseve të këtij të fundit me Argjentinën dhe Aston Villën. 

Martinez, i cili një kohë konsiderohej pasardhës i Cech në ‘Emirates’, kaloi vite duke kërkuar mundësi në klubin londinez. 

Pas një serie huazimesh, ai më në fund mori mundësinë e tij duke bërë një hap para në mungesë të Bernd Lenos të lënduar duke dhuruar disa paraqitje fantastike. 

Sidoqoftë, Arsenali vendosi që ta shesë atë dhe kështu shërbimet e tij i siguroi Aston Villa për 20 milionë euro. 

Që prej largimit nga Arsenali, Martinez ka shijuar suksese të mëdha duke u bërë fitues i Kupës së Botës 2022 me Argjentinën dhe duke siguruar dy tituj të Copa America. 

Përkundër të gjitha arritjeve të tij, Cech insiston se Arsenali mori vendimin e duhur, duke nënvizuar se Martinez kishte nevojë për një fillim të ri për të arritur potencialin e tij të plotë. 

Lexo po ashtu Mikel Arteta i bindur se Arsenali ka gjithçka që i duhet për ta fituar Ligën e Kampionëve

“Ju mund të shihnit gjithmonë aftësitë e tij, por ai kishte shumë energji tek Arsenali. Nuk ishte deri në momentin kur ai gjeti një mënyrë për ta liruar atë në një drejtim në të cilin ai vërtetë u zhvillua dhe kaloi në një nivel tjetër”, ka thënë Cech. 

Ani pse u largua nga ‘Topçinjtë’, Martinez asnjëherë nuk e ka fshehur dashurinë e tij për klubin, megjithatë, argjentinasi kishte shprehur nervozizmin për mungesën e besimit që kishin tek ai./Telegrafi/