Reperja Cardi B ka tërhequr sërish vëmendjen e publikut, pasi pranoi në një video live në Instagram se nuk i kishte larë flokët për më shumë se dy muaj.
Ajo tha se planifikon të lajë flokët, të lyejë skalpin me vaj dhe t’i bëjë gërshet së shpejti, dhe deklarata e saj u bë menjëherë virale në rrjetet sociale.
"Ndoshta kam të gjitha llojet e vezëve të buburrecave dhe mushkonjave në këto flokë", tha me shaka muzikantja 33-vjeçare ndërsa përkëdhelte kokën e mbuluar me kapelë parukesh.
Reagimet e fansave ishin të ndara - ndërsa disa shprehën neveri, të tjerë e lavdëruan për ndershmërinë dhe sensin e humorit.
Cardi B, e cila aktualisht është në pritje të fëmijës së saj të katërt me partnerin Stefon Diggs, ka folur më parë për problemet e saj me flokët dhe mënyrën se si kujdeset për to. Në vitin 2021, ajo ndau foto të vjetra dhe iu përgjigj kritikave se flokët e saj nuk duken "ashtu siç duhet" duke pasur parasysh prejardhjen e saj të përzier - nëna e saj është nga Trinidad dhe babai i saj është nga Republika Dominikane.
"Kam postuar fotografi të flokëve të mi natyralë për vite me radhë. Vetëm pse jam me prejardhje të përzier nuk do të thotë që flokët e mi janë gjithmonë të gjatë dhe kaçurrela. Kam pasur probleme me mirëmbajtjen e flokëve që kur isha fëmijë, por gjeta metoda që funksionojnë për mua dhe tani shikoj gjatësinë që kam", tha reperja në atë kohë.
Cardi B njihet gjithashtu për ndarjen e recetave të saj për kujdesin e flokëve. Ndër më të famshmet janë uji i zier me qepë, i cili sipas saj stimulon rritjen e flokëve, dhe një maskë natyrale që e përdor edhe në flokët e vajzës së saj Kulture, e cila tani është shtatë vjeçe. /Telegrafi/
