Aleksandar Vuçiq nuk ka hequr dorë nga projekti i Serbisë së Madhe, por ai po e udhëheq me metoda të ndryshme në mënyrë që të mbahet mend si “bashkues i vendeve serbe”, ndërsa Milorad Dodik dhe ambiciet e tij separatiste në Bosnjë dhe Hercegovinë duhen luftuar duke treguar forcën.
Ky është mendimi i ekspertit politik amerikan Janusz Bugajski, bashkëpunëtor i lartë në Fondacionin Jamestown në Uashington dhe ish-drejtor i Studimeve të Evropës Lindore në Qendrën për Studime Strategjike dhe Ndërkombëtare në kryeqytetin amerikan, i cili përmblodhi situatën aktuale në Ballkanin Perëndimor me epiqendër Bosnjë dhe Hercegovinën, në një intervistë për Al Jazeera Balkans, përcjell Telegrafi.
Në fund të vitit të kaluar, Bugajski dëshmoi para Komitetit për Punë të Jashtme të Kongresit Amerikan, ku dha rekomandime për politikën e administratës së re për Ballkanin.
Me atë rast, ai deklaroi se Marrëveshja e Paqes e Dejtonit nuk ishte krijuar për të qenë themeli i një shteti të integruar me një qeveri qendrore efikase, e cila çoi në pengesa, epërsinë e identitetit etno-kombëtar mbi ato qytetare dhe paralajmëroi për aspiratat separatiste të Republikës Serbe.
Këto paralajmërime qëndrojnë, shkruan mediumi në fjalë, sepse Bosnja dhe Hercegovina është tronditur prej muajsh nga një bllokadë e përfaqësuesve serbë, e cila është rritur në kërcënime të hapura nga anëtari i presidencës së BeH, Milorad Dodik dhe partia e tij SNSD për të shkatërruar rendin e saj dhe pavarësinë e BeH.
Dhe kur flet për situatën aktuale politike në BeH, Bugajski mendon se Dodik po teston aktorët ndërkombëtarë për të vlerësuar se sa larg mund të shkojë pa tërheqje të madhe dhe sanksione të mundshme kundër tij.
“Llogaritja e tij është se një kombinim i faktorëve mund të krijojë një moment të favorshëm për shkëputje, duke përfshirë një Bashkim Evropian të paralizuar, një SHBA të shpërqendruar,… Ai gjithashtu do të përfitojë nga ambiciet e udhëheqësve nacionalistë kroatë dhe nga gjendja e përgjithshme e frustrimit me qeverinë boshnjake”.
Në këtë drejtim, ai zbulon mënyrën më efikase për t’u marrë me Dodik, përcjell Telegrafi.
“Mënyra më efikase për t’u marrë me Dodik është të tregosh se kush është më i fortë në Ballkan. Kjo do të kërkojë një qasje në tri drejtime. Së pari, udhëheqja e re e Departamentit të Shtetit duhet ta bëjë të qartë se Uashingtoni dhe Brukseli kanë të gjitha dëshmitë e nevojshme për aktivitetet e tij korruptive. Pasuria e tij do të ngrihet ose konfiskohet dhe do të fillojë procedimi penal nëse ai nuk ndryshon politikën e tij”.
“Së dyti, Aleksandar Vuçiq duhet të paralajmërohet privatisht dhe publikisht se ofensiva e tij ndaj vendeve fqinje ‘nën kujdesin e popullsisë serbe’ do të hasë në rezistencë. Kjo mund të bëhet përmes formave të ndryshme, duke ndihmuar në ndërtimin e një ushtrie efikase në Kosovë që i lejon vendit të kualifikohet për anëtarësim në NATO, përmes mbështetjes më të madhe për partitë pro-malazeze në Podgoricë, përmes mbështetjes në Zagreb për të kontrolluar nacionalistët kroatë në Bosnjë dhe Hercegovinë, dhe përmes një fushate këmbëngulëse për të drejtat e boshnjakëve, shqiptarëve dhe popujve të tjerë në Serbi”, ka thënë ndër tjerash Bugajski. /Telegrafi/
Promo
Reklamo këtuLufta Prigozhin - Putin
Më shumëTaravari: Kemi dalje masive, shpresoj që vëzhguesit ta mbrojnë votën e çdo qytetari
Pasuria e profesorit të suspenduar Xhevat Krasniqi: Mbi 160 mijë euro para të gatshme, 150 mijë euro pasuri të paluajtshme
Llukarevska: Pendarovski shkon në raundin e dytë
O'Brien bisedon me Kurtin, SHBA pret përparim urgjent në themelimin e Asociacionit
KSHZ jep detaje për përqindjen e daljes së votuesve deri në fund të procesit zgjedhor
Vdes një person në Pejë, dyshohet se u godit qëllimshëm nga vetura
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert