Britania e Madhe ka njoftuar një rritje prej 21.8 miliardë dollarësh në shpenzimet e mbrojtjes gjatë katër viteve të ardhshme, investimi i saj më i madh ushtarak që nga fundi i Luftës së Ftohtë.
Qeveria tha se kjo rritje ishte e nevojshme për t’u bërë ballë kërcënimeve të shumta me të cilat përballet vendi, siç njofton korrespondenti i Zërit të Amerikës, Henry Ridgwell.
Kryeministri Boris Johnson i tha parlamentit të enjten se ekzistonte rreziku që shkurtimet e njëpasnjëshme të buxhetit ushtarak në vitet e fundit po komprometonin sigurinë e popullit britanik.
“Situata ndërkombëtare tani është më e rrezikshmja që pas Luftës së Ftohtë. Gjithçka që bëjmë në këtë vend – çdo punë, çdo biznes, madje edhe mënyra se si blejmë dhe çfarë hamë – varet nga një minimum bazë i sigurisë globale, një rrjet jetik që duhet të mbahet funksional: transporti, interneti, korridore të sigurta ajrore, kabllo të besueshme nënujore dhe paqe në ngushticat e largëta”, tha ai.
Duke njoftuar rritjen e shpenzimeve prej 21.8 miliardë dollarësh, zoti Johnson tha se Britania do të bëhej fuqia kryesore detare në Evropë.
Ai premtoi 2 miliardë dollarë për kërkime ushtarake – përfshirë zhvillimin e automjeteve autonome, dronëve dhe aeroplanëve luftarakë të ashtuquajtur të gjeneratës së gjashtë.
Britania gjithashtu do të krijojë një agjenci të re kushtuar zhvillimit të Inteligjencës Artificiale, së bashku me krijimin e një Force Kombëtare Kibernetike dhe një ‘Komande Hapësinore’ të re që do të synojë të mbrojë rrjetin satelitor të vendit.
“Paketa e re që do të ofrohet si rezultat i kësaj rritjeje të shpenzimeve të mbrojtjes mund të mos jetë plotësisht operacionale edhe për dhjetë vjet të tjera. Por është krijuar me synimin që t’i bëjë ballë asaj që ekspertët tanë mendojnë se rusët dhe kinezët dhe të tjerë mund të zhvillojnë për një dekadë”, thotë Profesor Malcolm Chalmers i Institutit Mbretëror të Shërbimeve të Bashkuara.
Qeveria thotë se investimi do t’i japë kuptim vizionit të saj për një “Britani Globale” pas largimit nga Bashkimi Evropian.
“Kemi një president të ri amerikan që vjen vitin e ardhshëm, Joe Biden, i cili ka qenë prej kohësh skeptik për Brexit dhe është i shqetësuar veçanërisht për ndikimin e Brexit-it në rolin e Mbretërisë së Bashkuar në botë. Kështu që mendoj se ky fakt ka ndikuar në dëshirën për të treguar se Mbretëria e Bashkuar do të vazhdojë të jetë një lojtar i fortë në fushën e mbrojtjes”, tha Prof. Chalmers.
Rritja e shpenzimeve të mbrojtjes befasoi disa në Westminster – pasi financat publike të Britanisë janë në një gjendje të pasigurt mes pandemisë së koronavirusit. Qeveria ende nuk ka dhënë detaje se si do të financohet rritja e shpenzimeve. /VOA/
Lufta Prigozhin - Putin
Më shumëCili është objektivi i radhës i Rusisë?
Pamje që tregojnë momentin kur ukrainasit 'fshijnë nga faqja e dheut' pjesë të sistemit rus që kushton 5 milionë dollarë
Këta janë aeroplanët 'Rafale' që do të mbrojnë qiellin në Kroaci - të cilët i do edhe Serbia
Qëllimi i Putinit nuk është Ukraina, por Evropa - paralajmëron ministri gjerman
Ukraina tërheq nga vijat e frontit tanket amerikane Abrams për shkak të kërcënimeve nga dronët rus
Mercenari serb që lufton për rusët në Ukrainë i ankohet Putinit, thotë se nuk iu dha shtetësia ruse
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë