LAJMI I FUNDIT:

Brenda qytetit “top sekret”: Aty ku rusët prodhuan Novichok, helmin e përdorur në sulmin e Salisbury (Foto/Video)

Brenda qytetit “top sekret”: Aty ku rusët prodhuan Novichok, helmin e përdorur në sulmin e Salisbury (Foto/Video)
-->

Ky është qyteti i fshehtë “i mbyllur” i cili prodhoi toksinën Novichok, e cila supozohet se u përdor për sulmet në Salisbury. Qyteti Shikhany ka një shenjë në hyrjen e saj, në të cilën shkruan: Qyteti i Kimistëve.

Dhe sipas mediave britanike, përcjell Telegrafi, ky është vendi ku u krijua dhe ruhej agjenti nervor që u përdor në tentativën e vrasjes ndaj Sergei dhe Yulia Skripal.

I vlerësuar si një nga qytetet famëkeqe të mbyllura ruse, Shikhani është rreptësisht një “top sekret”. Të gjithë rusët do të duhej të kishin pasaporta zyrtare për tu futur brenda – të huajt janë të ndaluar për ta vizituar.

Megjithatë, mediumi britanik Mirror shkruan se arriti të hyjë në këtë qytet kërcënues, rreth 800 kilometra në jug-lindje të Moskës.

Siç shkruan ky medium, përcjell Telegrafi, duke përdorur një makinë me targa vendore, ata kanë vozitur përtej postbllokut të kontrollit të policisë.

Hamish de Bretton-Gordon, ekspert i armëve kimike, citohet tu ketë thënë: “Unë jam shumë i befasuar që ju arritët të hyni në Shikhany dhe edhe më shumë i habitur që keni arritur të dilni jashtë”.

“Nuk ka dyshim se Shikhany ishte aty ku u prodhua Novichok”, shkruan Mirror, përcjell Telegrafi.

Ish-komandanti i NATO-s shtoi: “Laboratorët në Shikhany u shkatërruan në fund të prillit. Ata u rrafshuan”.

“Askush nuk e di se ku është Novichok tani. Rusia e përshkruan Shikhany si një fshat të vogël, por është diçka më e madhe. Është ‘parku shkencor’ i tyre”.

Në shkrimin e vet, Mirror shkruan se vendasit ishin padyshim hezitues të bisedonin me ta.

Por një njeri i ulur në një stacion autobusi pranë një supermarketi në rrugën kryesore tha: “Ky është ende një qytet i mbyllur. Madje edhe njerëzit që jetojnë dhe punojnë në qytet nuk dinë për të gjitha veprimet këtu. Disa prej tyre ishin sekrete”.

“Kam dëgjuar për incidentin e Novichok në Angli, por jam i sigurt se ne nuk ishim pas kësaj. Nuk ka asnjë mënyrë që agjentët rusë të jenë aq joprofesionistë”, citohet të ketë thënë ai.

Në mars, agjenti i dyfishtë Sergei Skripal, 67 vjeç, dhe vajza e tij Julia, 34 vjeç, u sëmurën në mënyrë kritike në Salisbury, Wilts.

Ata mbijetuan, pavarësisht nga helmimi me Novichok.

Gjithashtu muaj më vonë, Dawn Sturgess dhe Charlie Rowley, 45, erdhën në kontakt me toksinën e hedhur dhe u sëmurën. Dawn, 44 vjeç, vdiq më vonë.

Sipas Mirror, kamerat e sigurisë treguan se agjentët rusë Alexander Mishkin dhe Anatoliy Chepiga ishin pas këtij veprimi. /Telegrafi/

Në trend Botë

Më shumë
Aeroplani supersonik që ishte më i shpejtë se Concorde

Aeroplani supersonik që ishte më i shpejtë se Concorde

Amerika
Beteja për Berdychi, ukrainasit me Bradley-t amerikanë shkatërrojnë autoblindat dhe tanket ruse në afërsi të Avdiivka

Beteja për Berdychi, ukrainasit me Bradley-t amerikanë shkatërrojnë autoblindat dhe tanket ruse në afërsi të Avdiivka

Evropa
Kievi pretendon se ushtrisë ruse i kanë shkatërruar mbi 500 autoblinda brenda çdo muaji, që nga fillimi i luftës

Kievi pretendon se ushtrisë ruse i kanë shkatërruar mbi 500 autoblinda brenda çdo muaji, që nga fillimi i luftës

Evropa
Ua mësynë pozicioneve të ukrainasve, duke mos ditur se ishte kurth – momenti kur konvoji i tankeve dhe autoblindave ruse shkatërrohet

Ua mësynë pozicioneve të ukrainasve, duke mos ditur se ishte kurth – momenti kur konvoji i tankeve dhe autoblindave ruse shkatërrohet

Evropa
Gjatë vozitjes së rrezikshme u përplas me BMW-në e tij direkt me një veturë tjetër, motoçiklisti britanik që ishte prapa tij fluturoi poshtë urës

Gjatë vozitjes së rrezikshme u përplas me BMW-në e tij direkt me një veturë tjetër, motoçiklisti britanik që ishte prapa tij fluturoi poshtë urës

Evropa
Rusia vazhdon me dezinformim, historia e rreme e vdekjes së mbretit Charles III u përhap nga mediat pro-Kremlin

Rusia vazhdon me dezinformim, historia e rreme e vdekjes së mbretit Charles III u përhap nga mediat pro-Kremlin

Evropa
Kalo në kategori