Dhomat e Klinikës Infektive të Qendrës Klinike Universitare të Kosovës, janë bërë si shtëpi e dytë për shumë mjekë kosovarë që po shërojnë të sëmurët me koronavirus, të cilët vijnë me shpresën për të mos qëndruar gjatë në spital. Por, jo të gjithë kthehen në shtëpitë e tyre.
Dëshira e vetme e tyre është që çdo mëngjes të marrin frymë më lirshëm, pa ndihmën e pajisjeve për oksigjen që i kanë afër shtratit.
“Pa oksigjen (nga pajisja) po kam frikë që s’mundem të marr frymë”, tregon një grua mbi 60 vjeçe.
Gjendja e pacientëve është e rëndë, sidomos e atyre më të moshuar. Familjarë të tyre nuk lejohen të hynë brenda.
“Unë i kam këtu prindërit. Që të dy janë infektuar. Baba ka qenë më keq, nuk ka mundur të marrë frymë”, tregon njëri nga familjarët.
Terapia të sëmurëve u jepet nga ballkonet e dhomave. E shumë afër ballkoneve të ndërtesës me tre kate të Klinikës Infektive, qëndrojnë familjarët e të sëmurëve, të cilët shpresojnë për lajme të mira.
Në disa klinika, ku janë të shpërndarë pacientët me COVID-19, sëmundjen që e shkakton koronavirusi, familjarët janë lejuar të hynë te të afërmit e tyre. Sipas Organizatës Botërore të Shëndetësisë kjo është palejueshme dhe një gjë e tillë mund ta shpërndajë edhe më shumë virusin.
Më shumë se 100 pacientë janë të shtrirë në këtë klinikë. Përveç Klinikës Infektive, pacientë ka edhe në Klinikën e Pulmologjisë, si dhe në Mjekësinë Sportive, ku aktualisht janë të shtrirë pacientët me gjendje më të rëndë.
Të shtruar ka edhe në spitalet rajonale. Në gjithë Kosovën janëmbi 300 pacientë të hospitalizuar.
“Asnjëherë nuk po zbret numri i pacientëve nën 100 (në Klinikën Infektive)”, tregon infektologu Murat Mehmeti, i cili kryen vizitat çdo ditë në orët e paradites në Repartin A të Klinikës Infektive. Zakonisht në këtë vend trajtohen pacientët me HIV-AIDS.
Ai thotë se edhe nëse lëshohet një pacient, menjëherë vjen pacienti tjetër.
Një ndër mjekët më të vjetër të kësaj klinike është Infektologu Salih Ahmeti. Ai ka kaluar disa pandemi, të cilat ishin prezentë në Kosovë që nga viti 1980. Ahmeti ka më shumë se tre muaj që është duke punuar pa orar.
“Këta muaj, gjumë nuk i kam bërë më shumë se 3 ose 4 orë në ditë”, rrëfen Ahmeti duke treguar sa e vështirë është përballja me këtë sëmundje.
Mjekët dhe infermierët, që kanë harruar kur i kanë përqafuar fëmijët e tyre, veshin disa herë në ditë veshjet e bardha, që të mbrohen nga infektimi.
Të gjithë ata që hynë brenda në dhomat ku janë pacientët duhet të veshin këto veshje, të cilat krijojnë shumë nxehtësi në këtë kohë vere. Pastaj, ata vendosin maska me të cilën mbulohen goja dhe hunda, si dhe mburoja që vendoset mbi maskë për të mbrojtur sytë dhe pjesët tjera të fytyrës. Po ashtu, vendosen nga dy mbulesa të najlonit mbi këpucë, që të jenë sa më pak të ekspozuar karshi infektimit.
Nga infektimi nuk kanë shpëtuar as punëtorët shëndetësorë. Mbi 350 mjekë dhe infermierë në të gjithë Kosovë janë infektuar me koronavirus.
Numri i të vdekurve dhe të infektuarve me koronavirus, është rritur që nga fillimi i muajit qershor, kur edhe u liruan masat kufizuese për qytetarët dhe ekonomitë.
Më datën 9 korrik, vdiqën tetë pacientë me COVID-19, që ishin të shtrirë në Klinikën Infektive.
Që nga muaji mars kur u paraqitën rastet e para me koronavirus, në Kosovë janë regjistruar mbi 4 mijë e 700 raste. 102 pacientë tashmë kanë vdekurdhe mbi 2 mijë janë shëruar.
Pas rritjes së këtyre shifrave,Qeveria e Kosovës ka bërë ashpërsimin e masave dhe mbikëqyrje rigoroze në vend të vendosjes së gjendjes së jashtëzakonshme./rel/
Lufta Prigozhin - Putin
Më shumëBE-ja mbështet Serbinë për muri - nëse e pengon Kosovën në organizatat ndërkombëtare, do t'i bllokohet procesi i anëtarësimit
Macron ia konfirmon Kurtit mbështetjen për Kosovën në KiE - kërkon formimin e Asociacionit
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Zgjidhen dekanët e rinj në 14 fakultete të Universitetit të Prishtinës
Osmani: Drafti i statutit të Asociacionit do të dërgohet në Gjykatën Kushtetuese
"Nënat e Srebrenicës" falënderojnë presidenten Osmani: Një fjalim i tillë do të mbahet mend ndër breza
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj