Brenda ceremonisë private të varrimit – Vatikani tregon se si u varros Papa Françesku

Papa Françesku, i njohur për thjeshtësinë e tij dhe për përpjekjet për të shmangur madhështinë dhe privilegjet tradicionale të papatit, u përcoll për në banesën e fundit në kishën e shenjtë Santa Maria Maggiore në Romë.

Ndryshe nga paraardhësit e tij, të cilët zakonisht prehen në Bazilikën e Shën Pjetrit brenda Vatikanit, Papa Françesku zgjodhi një vend më modest, duke qëndruar besnik ndaj frymës së përulësisë që e karakterizoi gjithë jetën e tij.

Lexo po ashtu Varroset Papa Françesku

“Papa Françesku u varros në një nga korridoret anësore të Bazilikës së Shën Marisë së Madhe, midis Kapelës Pauline, ku ndodhet ikona e dashur për të e Zojës “Salus Populi Romani” dhe Kapelës Sforza”, thuhet në njoftimin e Vatikanit.

Ky vendim shënoi një moment historik, pasi ishte hera e parë pas më shumë se një shekulli që një papë varrosej jashtë territorit të Vatikanit, duke theksuar edhe një herë natyrën e veçantë dhe qasjen e tij ndryshe ndaj rolit papnor, shkruan skynews.

Pope Francis was buried in the side aisle of the Basilica of St Mary Major, between the Pauline Chapel, where his beloved icon of Our Lady ‘Salus Populi Romani’ is located, and the Sforza Chapel.

The Pope’s burial rite was preceded by the singing of four psalms and accompanied… pic.twitter.com/EYDUVZsZ4U

— Vatican News (@VaticanNews) April 26, 2025

“Riti i varrimit të Papës u parapri nga këndimi i katër psalmeve dhe shoqërohej nga pesë ndërmjetësime (lutje ndërmjetësuese), përpara se të këndohej lutja “Ati Ynë”. Pas lutjes përfundimtare, vulat e Kardinalit Kamarling të Kishës së Shenjtë Romake, Kevin Joseph Farrell, të Prefekturës së Shtëpisë Papnore, të Zyrës së Celebrimeve Liturgjike të Papës dhe të Kapitullit Liberian u vendosën mbi arkivol”, shkruan më tutje në njoftim.

Më pas, arkivoli u vendos në varr dhe u spërkat me ujë të bekuar, ndërkohë që këndohej “Regina Caeli”. Ceremonia e varrimit, e cila zgjati rreth tridhjetë minuta, u drejtua nga kardinali kamarling, figura që tradicionalisht merr përgjegjësitë e veçanta gjatë periudhës së boshllëkut të papatit.

Lexo po ashtu Fotografitë e fundit para varrimit të Papa Françeskut – gjithçka ndodhi deri më tani, MINUTË PAS MINUTE

“Pastaj u krye formaliteti i fundit: noteri i Kapitullit Liberian lexoi aktin që vërtetonte varrosjen përpara të pranishmëve. Ky akt u nënshkrua nga Kardinali Kamarling, Regjenti i Shtëpisë Papnore, Monsinjor Leonardo Sapienza, dhe nga Mjeshtri i Celebrimeve Liturgjike Papnore, Kryeipeshkvi Diego Ravelli”, përfundoi njoftimi i Selisë së Shenjtë.

Ndryshe, Papa Françesku vdiq në moshën 88-vjeçare pasi vuante nga pneumonia. /Telegrafi/