LAJMI I FUNDIT:

Bregdet dhe çmime joshëse, Kosova, Maqedonia e Veriut dhe Lugina zgjedhin mikpritjen shqiptare

Bregdet dhe çmime joshëse, Kosova, Maqedonia e Veriut dhe Lugina zgjedhin mikpritjen shqiptare

Leonora Mehmeti është nisur nga Bujanovci për të pushuar në Shqipëri. Nuk e fsheh ndjenjën e të qenit shqiptare sapo kalon kufirin.

“Ne jemi rritur me dashurinë për Shqipërinë dhe e përcjellim brez pas brezi edhe për fëmijët tanë”, thotë ajo.

Për vetë protokollet dhe marrëveshjet mes Kosovës dhe Serbisë, i duhet të mbulojë shenjat dalluese të targave, por nuk i bën përshtypje ky gjest. Për Leonorën rëndësi ka dëshira, mikpritja dhe pushimet shqip.


“Pak rëndësi ka, shqiptar jemi kudo që të shkojmë”, shprehet Leonora.

Por edhe shqiptarët në Maqedoninë e Veriut i kalojnë pushimet në bregdetin shqiptar.

“Kam 15 vite radhazi që vij me pushime në Durrës”, shprehet një pushues

Nustret Mustafi dhe Bashkim Misini, janë nga Kumanova e për ta, Shqipëria zë vendin e pare.

“Te ne Shqipëria është në vendin e parë”, thotë Nustreti.

“Gjithmonë në Durrës vijmë, prej shumë vitesh. Në Ulqin nuk na tërheq për të shkuar, këtu kemi gjuhën e traditat”, shprehet Misini.

Nustreti udhëton shpesh ne vendin tone, punon shofer kamioni e kësaj here ka gjetur kohen dhe është bashkuar me pjesën tjetër të familjes për pushime.

Sigurisht që patriotizmi është në vend të parë, por për Nustretin dhe Bashkimin edhe çmimet në Shqipëri janë joshëse dhe të përballueshme krahasuar me vendet e tjera të rajonit.

“Shumë mirë është, njësoj si në Kumanovë edhe në Durrës”

“Çmimet janë shumë të mira, në Ulqin janë shumë më shtrenjtë”

Mesa duket sezonit të verës i kane mbetur pak dite të cilat po shfrytëzohen maksimalisht nga qytetaret e Kosovës, por jo vetëm, për t’i kaluar ato në bregdet.

Edhe këtë fundjavë, pika kufitare ne Morin pati fluks të lartë qytetarësh e mjetesh. Në orët e para të ditës fluksi ishte më i madh me të paktën 3 mijë automjete në pak orë. Policia kufitare operoi me procedurën e kalimit të kufirit pa kontrolle, por pa mundur të shmangë ngarkesën dhe hera herës edhe radhët në kufi./RTSH

Në trend Lajme

Më shumë
Kosova ka 1,586,659 banorë rezidentë

Kosova ka 1,586,659 banorë rezidentë

Lajme
Ky është qytetari që qëlloi më për së afërmi numrin e banorëve në Kosovë, shpërblehet me 10 mijë euro

Ky është qytetari që qëlloi më për së afërmi numrin e banorëve në Kosovë, shpërblehet me 10 mijë euro

Lajme
Pesë qytetet me numrin më të madh të banorëve në Kosovë

Pesë qytetet me numrin më të madh të banorëve në Kosovë

Lajme
A po plakemi? ASK publikon të dhënat për moshën e popullsisë - rënie e banorëve nga 0-15 vjet

A po plakemi? ASK publikon të dhënat për moshën e popullsisë - rënie e banorëve nga 0-15 vjet

Lajme
Ngjarja e rëndë në Tropojë, një i vrarë dhe dy të plagosur, arrestohen pesë persona

Ngjarja e rëndë në Tropojë, një i vrarë dhe dy të plagosur, arrestohen pesë persona

Lajme
I arratisuri Faton Hajrizi shfaqet sërish në TikTok, ka një mesazh për ministrin Sveçla

I arratisuri Faton Hajrizi shfaqet sërish në TikTok, ka një mesazh për ministrin Sveçla

Lajme
Kalo në kategori