Vlera e kredive të lëshuara nga mikrofinancat ka shënuar rritje për korrik 2023 dhe se bruto kreditë për këtë muaj kanë arritur në rreth 330 milionë euro.
Kështu thuhet në raportin e fundit të Bankës Qendrore të Kosovës (BQK) për seritë kohore bankare për muajin korrik, duke shtuar se rreth dy e treta kredive të lëshuar nga këta ndërmjetësues financiar janë ndaj ekonomive familjare.
“Bruto kreditë e ndërmjetëseve tjerë financiar shënuan vlerën për rreth 328.6 milion euro në korrik 2023, rritje për 7 milionë euro krahasuar me muajin paraprak. Kjo rritje është ndikuar kryesisht nga rritja e kredive të aktivitetit të sektorit financiar”, thuhet në raport, përcjell Telegrafi.
“Kreditë ndaj ekonomive familjare në korrik 2023 përfaqësojnë 63 për qind të gjithsej kredive të sektorit mikrofinanciar”, theksohet në këtë raport.
Sipas institucionit më të lart financiar në vend, astetet e fondeve pensionale, për këtë periudhë, kanë arritur vlerën e 2.6 miliardë eurove.
“Asetet e fondeve pensionale arritën vlerën prej 2.6 miliardë euro, e cila përfaqëson një rritje prej 66.4 milionë euro krahasuar me muajin paraprak”, thotë BQK.
Aty thuhet se struktura e aseteve të këtij sektori dominohet nga letrat me vlerë të kapitalit dhe se rritja e tyre i atribuohet performancës pozitive të letrave me vlerë ekzistuese.
“Struktura e aseteve të sektorit pensional dominohet nga letrat me vlerë të kapitalit që përbejnë 76.4 për qind të gjithsej aseteve. Vlera e tyre, në korrik 2023, ka arritur në 1.99 miliardë euro, duke shënuar rritje prej 225.4 milionë euro krahasuar me muajin paraprak. Kjo rritje kryesisht i atribuohet rritjes së investimeve jashtë vendit, por njëkohësisht është vërejtur se ka pasur rritje të performancës së letrave me vlerë ekzistuese të cilat janë investuara me herët”, vijon raporti mbi serititë kohore bankare, shkruan Telegrafi.
Për sa i përket aseteve të kompanive të sigurimit, BQK-ka pohon brenda kësaj periudhe ka pasur rënie prej mbi 2 milionë eurove.
“Asetet e Kompanive të sigurimit arritën vlerën 296.3 milionë euro, e cila përfaqëson një rënie prej 2.2 milionë euro krahasuar me muajin paraprak. Struktura e aseteve në sektorin e sigurimeve përbëhet nga bilanci me bankat komerciale që përbejnë 44.9 për qind, letrat me vlerë dhe asetet tjera përbejnë 28.5 për qind të aseteve”, pohon BQK-ja.
Në fund, raporti thotë se vlera remitancave ka shënuar rritje prej 13 për qind krahasuar me vitin 2022 dhe se prurjet më të mëdha të tyre kanë ndodhur përmes institucioneve financiare jo-bankare.
“Remitencat në muajin qershor 2023 ishin 123.9 milionë euro, që paraqet rritje prej 18 për qind krahasuar me periudhën e njëjtë të vitit 2022. Prurjet më të mëdha të remitencave gjatë këtij muaji ishin përmes agjencive për transferimin e parave dhe kanaleve tjera, konkretisht përmes IFJB-ve me 58.4 për qind, bankave me 15.4 për qind dhe kanalet tjera me 26.2 për qind”, përfundon raporti. /Telegrafi/
Nga Melodia Px
Nga Crystal Evapify
Nga Cinestar
Lufta Prigozhin - Putin
Më shumë
Florin Krasniqi kërkon mbi 28 milionë euro dëmshpërblim nga Mali i Zi
Eksploro natyrën me veshjet e stilit taktik të Melodia Px
"Më mirë se vendi ynë nuk ka", rrëfimi i Fitim Maliqit që posedon mbi 10 mijë zogj të pulave
Telegrafi Jobs, busulla jote për karrierë
Evapify - Pasagjeri yt i përhershëm
Gjiganti zviceran “Lika Group” synon ta zbukurojë Prishtinën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur