Borrel dhe Lajçak urojnë Kurtin, presin vazhdimin e dialogut Kosovë-Serbi

Përfaqësuesi i Politikës së Jashtme të Bashkimit Evropian, Joseph Borrel dhe i dërguari i BE-së për dialogun Kosovë-Serbi, Miroslav Lajçak kanë uruar kryeministrin Albin Kurti, ndërsa theksojnë se BE është e gatshme të lehtësojë dialogun dhe procesin e normalizimit të raporteve Kosovë-Serbi.

Borrel dhe Lajçak në Twitter shkruajnë se BE mbështet plotësisht agjendën e reformave dhe luftën kundër COVID-19.

“Urime Kryeministrit të ri të Kosovës… Presim të punojmë së bashku për ta përmbyll suksesshëm dialogun Beograd-Prishtinë. Kjo është thelbësore për rrugën drejt BE-së. Bashkimi Evropian mbështet plotësisht agjendën e reformave dhe ballafaqimin me COVID19”, shkruan Borrel.

Ndërsa, i dërguari i BE-së për dialogun, Mirosllav Lajçak thotë se Bashkimi Evropian është i gatshëm për të lehtësuar dialogun Kosovë-Serbi.

“Urime Albin Kurtit për postin e kryeministrit. Uroj suksese në përmbushjen e pritjeve të mëdha të qytetarëve të Kosovës. BE është e gatshme të lehtësojë dialogun për normalizimin e marrëdhënieve me Serbinë”, shkruan Lajçak. /Telegrafi/

Congratulations to new #Kosovo Prime Minister @albinkurti. Look forward to working together to bring the Belgrade-Pristina Dialogue to a succesfull close. This is crucial for #Europeanpath. EU fully supports reform agenda and tackling #COVID19.

— Josep Borrell Fontelles (@JosepBorrellF) March 23, 2021

Congratulations @albinkurti on your election as Prime Minister. I wish you success in meeting the high expectations of the citizens of Kosovo. The EU stands ready to facilitate the Dialogue on normalization of relations with Serbia. https://t.co/SajShe1CHt

— Miroslav Lajčák (@MiroslavLajcak) March 23, 2021