BONEVET Prishtina me kënaqësi njofton hapjen e regjistrimeve për programin e rregullt të klasave në shkencë, teknologji, inxhinieri, art dhe matematikë

Duke filluar nga muaji shtator, 2021 klasat e fëmijëve dhe trajnimet për të rritur do të jenë të hapura për regjistrime, duke aplikuar rregulloret e kujdesit ndaj COVID -19 të përcaktuara nga Ministria e Arsimit, Shkencës, Teknologjisë dhe Inovacionit.

Pse të bëheni pjesë e klasave BONEVET? 

#1
BONEVET ofron një hapësirë të gjerë ku fëmijët janë të lirë të mësojnë dhe punojnë individualisht si dhe në grupe, të eksperimentojnë me idetë e tyre duke përdorur 3D printerë, bita, robotët LEGO, mBot dhe mTiny, dhe të krijojnë projekte që ju zgjojnë kuriozitetin në fushën e shkencës, teknologjisë, inxhinierisë, artit e matematikës.

#2
Metodat e mentorimit në BONEVET janë të motivuara nga hulumtimet e institucioneve me famë botërore si Universiteti i Stanfordit dhe Universiteti Yale. Nën mbështetjen e vazhdueshme të mentorëve tanë, fëmijët mësojnë për konceptet e:

• Mendësisë në rritje

• Mendësisë matematikore

• Inteligjencës emocionale

#3
Përgatitja më e mirë për të krijuar gjenerata të afta për t’u përballur me sfidat e shekullit XXI dhe botën e digjitalizimit është kombinimi i aftësive teknike me ato të buta. E këtë e bën BONEVET duke përfshirë metodat e mentorimit modern në plan-programet e shkencës, teknologjisë, inxhinierisë, artit dhe matematikës.

Kështu fëmijët tanë përveç që do të bëhen krijuesit e të ardhmes, do të bëhen edhe mendimtarë kritikë, zgjidhës të problemeve, komunikues të aftë dhe persona të motivuar dhe empatikë.

#4
BONEVET ofron mundësi për të gjithë të rinjtë e interesuar të sjellin në jetë idetë e tyre përmes anëtarësimit vjetor dhe mësimit të bazuar në projekte. Me qasje të plotë në biblotekën tonë dhe të gjitha pajisjet teknologjike, përmes mentorimit të vazhdueshëm dhe orarit fleksibil, anëtarët vjetorë avancojnë njohuritë e tyre dhe arrijnë të dizajnojnë produkte ose shërbime të cilat e zhvillojnë komunitetin.

Klasat të cilat ofrohen për muajin e shtatorit në ambientin e BONEVET Prishtina janë: 

· LittleBits
· LEGO Robotika
· Scratch dhe mTiny
· Art
· Shkenca Inspiruese
· Matematika Inspiruese
· Origami
· Python
· Minecraft

Trajnimet profesionale:

· CNC
· WordPress
· Elektronikë

Pjesëmarrësit e klasave dhe trajnimeve në BONEVET, të cilët bëhen edhe anëtarë vjetorë fitojnë aftësi teknike dhe të buta të cilat i japin një shtysë të madhe dhe përparësi në hapat e mëtejshëm që ata ndërrmarrin. Të rinjtë e BONEVET poashtu marrin pjesë në programin tonë të orientimit në karrierë, që i përkrah në këtë proces.

Anëtarët vjetorë që kanë vazhduar studimet, tregojnë shumë sukses në të gjitha institucionet edukative të cilave i bashkangjiten.
Një pjesë e madhe e tyre kanë qenë përfitures të bursave për studime në Kosovë, Europë dhe Amerikë.

Këta të rinjë, shpesh edhe vazhdojnë të jenë pjesë e BONEVET si staf, ku ata fitojnë pozita si mentor, staf teknik e më tepër.

Kliko vegzën në vijim për t’u bërë pjesë e klasave BONEVET – https://bonevet.org/edukimi/klasat/prishtine/

SHËNIM: Hapësira krijuese e BONEVET tashmë gjendet ne lagjen Taslixhe, rr. Hilë Mosi Nr.11, 10000 Prishtinë.