I bleu një pije një të panjohuri, kjo i ndihmoi të arrinte ku është sot – rrëfimi për shefin e kompanisë që sot ka mbi 8000 të punësuar (Foto)

Ai është kreu i një prej agjencive më të mëdha të medias në botë, duke punësuar 8,000 njerëz në 100 vende.

Por Stephen Allan thotë se udhëtimi i tij në këtë nivel filloi duke i blerë një të panjohuri një pije në një pijetore, shkruajnë mediat e huaja, përcjell Telegrafi.

Stephen, 55 vjeç, është kreu global i MediaCom, e cila merret me reklama për gjigantët si Tesco, Gillette dhe Budweiser.

Lexo po ashtu Ora 10 dollarëshe që mban në dorë, përkujdesja për pemën e preferuar, veturat luksoze,...: Ja si i shpenzon paratë Bill Gates

Arritja e lartësive të tilla ndoshta ishte e paparamenduar kur, si një 17 vjeçar, ai i dërgoi 82 letra agjencive që kërkonin punë – dhe mori 82 refuzime.

Një entuziast i fotografisë, i cili “mendonte se nuk kishte asnjë arsye” për të shkuar në universitet, Stephen kishte vendosur të ndiqte një karrierë në reklama, por shpejt e kuptoi se kishte nevojë që ai të mos merrte një hap të tillë, pa e njohur dikë në këtë industri.

Ai i tha BBC: “Unë nuk e njihja askënd në reklama. Gjeta një pijetore të veçantë në Soho në Londër, një vend i njohur për njerëzit e industrisë së reklamave. Si një 18 vjeçar fillova të paguaja pijet për të panjohurit. Për befasi, një nga njerëzit që i pagova një pije më tha se ai ishte duke punuar në një agjenci reklamash. Dhe ai më tha, ‘nëse vini këtë mbrëmje në orën gjashtë në zyrat tona, unë do t’ju aranzhoj një takim me drejtorin tim’”.

Lexo po ashtu Djaloshi që rrezikoi që kur ishte 17 vjeç: Kishte vjedhur 34 mijë euro nga mamaja për të nisur biznesin e tij - tani pasuria e tij llogaritet 170 milionë euro (Foto)

Kështu Stephen u paraqit në zyrë, ku fillimisht askush nuk e dinte se kush e kishte ftuar, përcjell Telegrafi.

Pas kësaj, atij iu ofrua një provë pune dy javore, të cilën ai e kaloi duke analizuar vlerësimet televizive për programet e futbollit, pasi kompania po bënte punë konsulence për Federatën e Futbollit të Anglisë.

Lexo po ashtu Rrëfimi për njeriun më të pasur në Japoni: Dyqani i parë i tij ishte në katin e parë, familja jetoi mbi të – sot vlen 25 miliardë dollarë (Foto)

Me një referencë të mirë në duart e tij, ai u shkroi disa agjencive të medias që ai u kishte shkruar edhe më parë dhe kësaj radhe mori dy intervista.

Të dy agjencitë i ofruan atij një punë, dhe Stephen zgjodhi The Media Business, një nga agjencitë e para të planifikimit dhe blerjes së mediave në Mbretërinë e Bashkuar.

Lexo po ashtu Ka 86 miliardë dollarë pasuri, por është shumë kursimtar – si i shpenzon paratë Warren Buffett, i cili jeton në një shtëpi të blerë në vitet ‘50 (Video)

Sipërmarrësi i ri ambicioz punoi në rrugën e tij deri në atë shkallë, kur në vitin 1999, agjencia u ble nga MediaCom dhe ai u bë krye-ekzekutiv i Mediacom UK.

Gjatë rrugëtimit të tij, ai katërfishoi faturimet e saj për t’u bërë agjencia e parë e medias në Mbretërinë e Bashkuar.

Lexo po ashtu Biznesi familjar u kthye në një rivalitet të egër që vazhdoi edhe pas vdekjes së tyre: Historia e dy vëllezërve gjermanë, të cilët krijuan dy gjigantët Adidas dhe Puma (Foto)

Ai u emërua kryetar dhe CEO i MediaCom Worldwide në gusht të vitit 2008, në të njëjtin vit ai u votua si Campaign Media Achiever of the Year. /Telegrafi/