Bledi Mane: Luiz Ejlli fiton rreth 100 mijë euro në muaj

Gazetari dhe ish-banori i Big Brother VIP Albania 2, Bledi Mane ka folur sërish për eksperiencën e tij në shtëpinë e famshme.

I ftuar në emisionin “Wake Up” mes tjerash, Mane ka zbuluar edhe përfitimet e mëdha që disa prej ish-banorëve të edicionit të dytë kanë arritur.

Sipas Bledit i pari në listën e përfituesve më të mëdhenj është këngëtari dhe fituesi i BBVA 2, Luiz Ejlli.

Gazetari shqiptar u shpreh se fitimet mujore të këngëtarit nga Shkodra arrijnë deri në 100 mijë euro.

“Listën e kryeson Luiz Ejlli, statistikat tregojnë se ai fiton në muaj rreth 100 mijë euro, duke përfshirë kontratat komerciale, imazh i bizneseve të ndryshme, postimet në rrjetet e tij sociale, kontratat me koncertet, natyrisht projektet e tjera, filmat, ai është një biznesmen, një njeri që i kap situatat dhe di t’i kthej në të mira materiale”, ka thënë Mane.

Lexo po ashtu Olta flet për skenat romantike me Luizin në filmin "Në kuadër të dashurisë": Ishte teknike, për mua një puthje në film është si një ecje

Përveç Luizit, ai tha se ish-banorët e tjerë që po fitojnë më së shumti janë edhe modelja Jori Delli, Efi Dhedhes, Ronaldo Sharka dhe Armaldo Kllogjeri. /Telegrafi/