Bill Gates: Zëvendësimi i vendeve të punës nga IA një gjë e mirë

Bill Gates, bashkëthemeluesi i Microsoft, mendon se Inteligjenca Artificiale (IA) do të zëvendësoj njeriun dhe kjo do të jetë një gjë e mirë.

Në një intervistë me ‘Fox Business’, Gates tha se robotët që marrin përsipër punët tona do të na bëjnë më efikas dhe do të na japin më shumë kohë të lirë.

“Epo, sigurisht që mund të presim me padurim idenë që një moment pushimet do të jenë më të gjata. Nëse ne mund të jemi dy herë më shumë produktivë se sa sot me më pak punë, qëllimi i njerëzimit nuk është thjesht për të ndenjur pas një numëratori dhe të shesim gjëra”, tha ai për ‘Fox Business’, përcjell Telegrafi.

Gates po argumenton se IA, teknologjia që disa frikë tashmë është duke eliminuar punët nga punëtorët me pagë të ulët, po na lejon të menaxhojmë më mirë kohën tonë. Në një mënyrë, kjo është e drejtë. Nëse IA na lejon të futemi në makinat tona dhe t’u përgjigjemi e-maileve, do të kursente kohë.

Por, kompanitë si Amazon kanë nisur të zhvillojnë teknologji që mund të eliminojnë përfundimisht punët e arkëtarëve. Forma e re e dyqaneve pa arkëtarë përdor IA për të gjetur se çfarë konsumatorët vendosin në shporta dhe i tarifon ata sapo largohen nga dyqani, pa pasur nevojë për arkë. Amazon nuk ka njoftuar se ka plane për të sjellë teknologjinë ‘Whole Foods’, zinxhirin e shitjes me pakicë që kohët e fundit bleu për 13.7 miliardë dollarë dhe dyqani i ri ka punësuar njerëz për të ndihmuar klientët dhe për të vendosur produktet nëpër rafte.

“Do të ketë sfida sepse shkalla e ndryshimit do të jetë më e shpejtë në këto 20 vitet e ardhshme sesa ka qenë më parë,” tha Gates.

Ai pranon se qeveria ka të ngjarë të detyrohet të rishikojë programet e saj të sigurisë sociale dhe të ndihmojë punëtorët e larguar të rikualifikuar për ekonominë e re, por nëse bëhet si duhet, do të jetë një gjë mjaft pozitive për të gjithë.

Nëse shoqëria është në gjendje të zotërojë të gjitha ushqimet, shtëpitë dhe mallrat e konsumit që i nevojiten, punëtorëve duhet t’u lejohet të relaksohen dhe të përqendrohen në interesa të tjera, argumenton Gates.

Kjo e ardhme ka të ngjarë të jetë larg, por tashmë IA mund të shohë dhe të dëgjojë më saktë sesa njerëzit. Disa nga njerëzit më të mençur në teknologji kanë pikëpamje të ndryshme se si shoqëria duhet të trajtojë teknologjinë me këtë rritje të shpejtë, por të gjithë pajtohen se do të ndryshojë ndjeshëm botën. Sundar Pichai, Kryeshefi Ekzekutiv i Google, kohët e fundit tha se IA është më e rëndësishme për njerëzimin sesa zotërimi i zjarrit apo i energjisë elektrike.

Gates thotë se i gjithë ky ndryshim do t’i japë shoqërisë më shumë vendime dhe mundësi në të ardhmen “sepse do të jeni shumë më produktivë”. /Telegrafi/