Presidenti amerikan, Joe Biden, dhe ish-presidenti Donald Trump, kanë mbajtur tubime teksa fushata për zgjedhjet që mund ta riformësojnë Kongresin hyri në ditën e fundit.
Biden dhe Trump bënë thirrjet e fundit ndaj votuesve në Nju Jork, respektivisht në Florida.
Kohët e fundit, momentumi është zhvendosur drejt republikanëve, të cilët po përpiqen që të marrin nga demokratët kontrollin e dy dhomave të Kongresit.
Republikanët konsiderohen favorit për të fituar në Dhomën e Përfaqësuesve, por fitorja në Senat ende paraqet sfidë, kanë sugjeruar sondazhet.
Marrja e kontrollit e një prej dhomave të Kongresit nga republikanët do të paraqiste një pengesë të madhe për agjendën legjislative të presidentit Biden.
Me fushatën që përmbyllet të hënën, partia e Bidenit po bëhet gati të humbë edhe në ato pjesë të shtetit ku demokratët zakonisht dalin mirë në zgjedhje.
Biden foli para votuesve në Nju Jork të dielën, në mbështetje të guvernatores Kathy Hochul, e cila po sfidohet nga kandidati republikan, që ka mbështetjen e Trumpit, Lee Zeldin.
Hochul ka marrë mbështetjen e disa prej figurave më të njohura të demokratëve – nga ish-presidenti Bill Clinton, nënpresidentja Kamala Harris dhe ish-sekretarja e Shtetit Hillary Clinton.
Gjatë fjalimit, Biden tha se zgjedhjet ishin “pikë kthese” që do të përcaktojnë 20 vjetët e ardhshëm. Ai u tha votuesve amerikanë se ata do të zgjedhin midis dy “vizioneve fundamentalisht të ndryshme për Amerikën”.
Ndërkaq, paraardhësi i tij Donald Trump, mori pjesë në një tubim në Majami, në mbështetje të Marco Rubios, që po garon edhe për një mandat. Ish-presidentit amerikan për më shumë se një orë kritikoi demokratët, duke i akuzuar se po e çojnë vendin drejt “komunizmit”.
“Demokratët duan ta shndërrojnë Amerikën në Kubën komuniste apo Venezuelën socialiste”, tha Trump.
“Të gjithë amerikanëve hispanikë në Florida dhe në mbarë vendin, ne ju mirëpresim me krahëhapur në Partinë Republikane”, shtoi ai.
Trump po ashtu vazhdoi të linte të kuptohej se do të garojë sërish për president në zgjedhjet e vitit 2024, duke u kërkuar votuesve që të presin pjesëmarrjen e tij në tubimin e së hënës në Ohajo.
Sondazhet sugjerojnë se demokratët kanë të ngjarë që të humbin shumicën në Dhomën e Përfaqësuesve.
Kontrolli i Senatit me gjasë do të varet nga rezultatet e garave të ngushta në Pensilvani, Gjorgjia dhe Nevada.
Mbi 40 milionë votues veçse kanë votuar për zgjedhjet në Kongres, që sipas ekspertëve është numër më i lartë sesa në zgjedhjet e vitit 2018.
Por, votimet me postë zakonisht marrin më shumë kohë të numërohen sesa votimet e rregullta, duke bërë që rezultatet në shumë shtete të mos jenë definitive gjatë mbrëmjes të së martës.
Në shumë shtete kyçe, sikurse Uiskonsin dhe Pensilvani, zyrtarëve zgjedhorë nuk u lejohet që të nisin numërimin e votave deri në ditën e zgjedhjeve. /REL/
Promo
Reklamo këtuLufta Prigozhin - Putin
Më shumëNga Rubrika
Ushtria amerikane publikon videon misterioze “Ghost in the Machine” për rekrutimin e ushtarëve të njësisë speciale
Gjermania paralajmëron për pasojat e sulmit të dyshuar kibernetik rus
Trupat ruse hyjnë në bazën ajrore në Nigeri, ku janë të stacionuar ushtarët amerikanë
Trupat ruse hyjnë në bazën ajrore në Nigeri, ku janë të stacionuar ushtarët amerikanë
A po shkojnë Ukraina dhe Rusia drejt bisedimeve?
Gjermania paralajmëron për pasojat e sulmit të dyshuar kibernetik rus
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga Kievi, sekretari britanik konfirmon dy paketa tjera të mëdha ndihma ushtarake për Ukrainën
Vuçiq humb kontrollin gjatë konferencës, analisten amerikane Ivana Stradner e quan të çmendur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe