Bashkëpunimi i subjekteve opozitare shqiptare Lëvizjes Besa dhe Alternativës, ka filluar të konkretizohet thonë për TVM2 zëdhënisit e dy partive, duke mos e përjashtuar mundësinë për bashkëpunim edhe me fraksionin e BDI-së që njihet si “grupi i zjarit’. Zëdhënësi i Lëvizjes Besa Faruk Avdiu, konfirmon se një takim mes zyrtarëve të lartë të këtyre partive tanimë është realizuar.
“Ka hapa konkret drejt afrimit të qëndrimeve mes Lëvizjes BESA dhe Alternativës, pra konkretisht ka vendim të kryesisë qëndrore që të gjindet modaliteti për t’i ofruar edhe më shumë qëndrimet. Zyrtarë të lartë të Lëvizjes BESA janë takuar me Alternativën, dhe do të ketë takime të vazhdueshme në përafrimin e qëndrimeve të dyja subjekteve politike. Ajo ishte edhe qëndrimi i Lëvizjes ‘Besa’ se çdokush që është i gatshëm t’i bashkohet këtij fronti të përbashkët opozitar, që është kundër kësaj Qeverie të koruptuar, jemi të gatshëm për të bashkëpunuar në të ardhmen. Ndërsa sa i përket grupit të zjarit, ato duhet ta konkretizojnë lëvizjen e tyre.”, tha Faruk Avdiu, zëdhënës i Lëvizjes Besa.
Edhe zëdhënësi i ‘Alternativës’ Orhan Murtezani për TVM2 thotë se ka pasur takim edhe mes dy kryetarëve të partive dhe pritet thellim i mëtutjeshëm i këtij bashkëpunimi, sidomos sa u përket aktiviteteve në Kuvend.
“Po punohet seriozisht dhe me përkushtim që të mund të arrihet ndonjë bashkëpunim me Lëvizjen ‘BESA’. Fillimisht ky bashkëpunim do të mundohet të finalizohet në kuadër të Parlamentit ndërmjet deputetëve, e pastaj pse jo edhe për ndonjë koalicion të mundshëm parazgjedhor. Ata ende betejën e tyre e vazhdojnë në BDI, për ne nuk do të kishte pasur asnjë problem në qoftë se ky grup pozicionohet si opozit, në atë moment mund të kemi ndonjë bashkëpunim më konkret.”, tha Orhan Murtezani, zëdhënës i Alternativës.
Grupi i Zjarrit: Vazhdojmë betejën brenda BDI-së
Nga Grupi i Zjarit në një përgjigje me shkrim për TVM2 kanë përshëndetur gadishmërin e opozitës shqiptare për të bashkëvepruar, por theksojnë se ky grup i të pa kënaqurve brenda BDI-së betejën e tyre politike do ta vazhdojnë ta realizojnë brenda subjektit të cilit i takojnë.
“Ne do të vazhdojmë ta bëjmë betejën brenda BDI-së, ku po i takojmë për çdo ditë strukturat në vendbanimet e ndryshme dhe këtu jemi të koncentruar, me qëllim që të shihet qartë se sa strukturat e partisë janë të pa kënaqura nga këto persona në ekzekutiv. Për sa i përket opozitës shqiptare i përgëzojmë për gadishmërin e tyre për të bashkëvepruar, sepse vlerësojmë se opozita e konsiliduar dhe e bashkuar do të jetë korektor i fuqishëm i qeveritarëve.”, tha Izet Mexhiti.
Bashkëveprimi i dy subjekteve shqiptarë në Kuvend, do tu mundësonte atyre formimin e grupit parlamentar opozitar shqiptar, pasi Alternativa aktualisht numron tre deputet, ndërsa Besa dy deputetë dhe bashkarisht plotësojnë kushtin prej 5 deputetësh për formimin e grupit parlamentarë.
Promo
Reklamo këtuLufta Prigozhin - Putin
Më shumëNga Rubrika
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t’u imponohet shteteve për të kundërshtuar Kosovën në KiE
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t'u imponohet shteteve për të kundërshtuar Kosovën në KiE
DW: Sinjale alarmi nga Ballkani - po përsëritet historia?
Policja që u raportua e zhdukur paraqitet në stacionin e Rahovecit
Deputeti gjerman, Abraham: Pranimi i Kosovës në Këshillin e Evropës është e vetmja rrugë përpara
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'