Bernardo Silva zbulon emrat e dy ‘bishave’ të Man Cityt

Yjet e Manchester City, Erling Haaland dhe Kevin De Bruyne janë vlerësuar si dy nga lojtarët e tyre më të mirë të ekipit gna Bernardo Silva.

City po i afrohet titullit të tretë radhazi në Ligën Premier, pasi mundën Arsenalin 4-1 në shtëpi të mërkurën.

Pas ndeshjes, Bernardo Silva ka folur për ekipin e tij teksa ka dhënë mendimin për bashkëlojtarët, ku dy nga ta i quajti si “bisha” në fushë.

Lexo po ashtu Man City i Pep Guardiolas ëndërron për tripletën: Llogaritë që do t’i dërgojnë drejt historisë

“Ata (De Bruyne dhe Haaland) ishin dy bisha që vraponin me lëvizjet e tyre”, ka thënë fillimisht Silva pas ndeshjes.

“Zakonisht është Kevini me pasimet, Erling me shënimin, por këtë herë ishte e kundërta”.

“Duke ditur se Arsenali do të markonte njeri për njeri, ne u përpoqëm t’i zgjeronim sa më shumë që ishte e mundur, për t’u dhënë lojtarëve të mëdhenj sa më shumë hapësirë ​​për të vrapuar”.

Lexo po ashtu Haaland thyen rekordin e golave ​​të Salah dhe shkruan historinë në Ligën Premier

“Arsenali i dha hapësirë ​​Kevinit dhe Erlingut për të luajtur. Kur u jep atyre këtë lloj hapësire, është kaq e vështirë për t’u mbrojtur”.

“Ata e bënë atë në mënyrë perfekte, krijuan shumë raste dhe ne mund të kishim shënuar edhe më shumë”, përfundoi ylli portugez. /Telegrafi/