Objektet hotelierike që kanë tarraca do të mund të hapen nesër, dhe orari i tyre i punës do të jetë deri në orën 20:00, njoftoi sot Ministri i Ekonomisë Kreshnik Bekteshi.
"Objektet e tjera hotelerike do të mund të hapen më vonë, pasi të shohin se si ndiqen rekomandimet. Ne kemi protokoll që parashikon tre faza në hapjen e objekteve hotelierike. Vendimi i djeshëm i qeverisë është realizimi i fazës së dytë. Ne do të monitorojmë situatën dhe nëse respektohen protokollet, do të realizohet faza e tretë për hapjen e objekteve në një hapësirë të mbyllur", tha Bekteshi./Telegrafi/
