Me rastin e hyrjes në fuqi të Ligjit për Mbrojtjen e Fëmijës, zyra e Save the Children në Kosovë dhe OJQ “Syri i Vizionit” bëjnë thirrje për një harmonizim dhe bashkëpunim ndër-sektorial në mes të gjithë akterëve relevant me qëllim të zbatimit në tërësi të obligimeve që rrjedhin nga ky Ligj. Është koha e duhur që Ligji për Mbrojtjen e Fëmijës të shfrytëzohet si mjet i cili ndihmon të gjithë djemtë dhe vajzat në Kosovë të gëzojnë të drejtën e tyre për të jetuar në një mjedis të shëndetshëm dhe pa dhunë.
Save the Children në Kosovë në bashkëpunim të ngushtë me partnerin tonë, OJQ ‘Syri i Vizionit’, ka avokuar përmes fushatës #RriteMeDashni’ që Kosova ta ketë një ligj për mbrojtjen e fëmijës të tillë qysh prej 2013 e deri në kalimin e Ligjit më 21 qershor 2019 (kur u kalua në Kuvendin e Republikës së Kosovës). Gjatë këtij rrugëtimi, ne kemi punuar ngushtë me institucionet relevante duke i mbështetur dhe ofruar sugjerimet tona në grupet punuese të Zyrës Ligjore të Kryeministrit dhe Zyrës për Qeverisje të Mirë dhe Komisionit Parlamentar për të Drejta të Njeriut, Barazi Gjinore, dhe Peticione, sidomos në përfshirjen e neneve ligjore për ndalimin e dhunës ndaj fëmijës në çdo mjedis. Përveç kësaj, qysh nga viti 2017, ne kemi mbështetur në vazhdimësi prindërit ose kujdestarët, mësimdhënësit dhe zyrtarët institucional përmes programit të Disiplinës Pozitive. Ky program trajnues ofron forma alternative të disiplinimit të fëmijës pa dhunë dhe fokusohet në bashkëpunim për zgjidhje të problemeve në mënyrë të shëndetshme.
Save the Children dhe “Syri i Vizionit” vlerësojnë se zbatimi i Ligjit për Mbrojtjen e Fëmijës është tejet i rëndësishëm për të ardhmen e vendit, prandaj, bëjnë thirrje që institucionet përgjegjëse që të bëjnë më të mirën që ky ligj të gjejë zbatim, fëmijëve t’u krijohet mundësia që të rriten të shëndetshëm e pa dhunë në mënyrë që të mund ta arrijnë potencialin e tyre në Kosovë. /KP/
Lufta Prigozhin - Putin
Më shumëBie nataliteti në Kosovë, ASK dhe MPB me statistika të ndryshme për lindjet
LVV në Prishtinë akuzon Përparim Ramën, thonë se po planifikon të keqpërdorë një tender në vlerë prej 10 milionë euro
Shqiptohen 10 gjoba për dhënien e "Ozempic" pa recetë të mjekut - Spitali i Gjilanit raporton për tre raste me efekte të dyshimta nga përdorimi i tij
Një veturë mbi 5 mijë euro dhe disa para të kursyera, çfarë pasurie ka Drejtori i Përgjithshëm i Policisë, Gazmend Hoxha?
Viti, vidhet një kasafortë me para
Italiania e dashuruar me Sarandën: Sa erdha thashë do të jetoj këtu, tani kam biznes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur