Të premten janë mbushur 20 vite prej vrasjes së Nimon Bajraktarit, Bashkim Mehmetaj dhe Haki Ahmetxhekaj. Të tre këta dëshmorë ishin themelues të Ushtrisë Çlirimtare të Kosovës (UÇK) , në fshatin Rudica të Klinës. Ishin vrarë nga policia serbe në një pritë, ku tre dëshmorët ishin nisur për t’u pajisur me armë, për në Shqipëri.
Për nder të 20 vjetorit është organizuar akademi përkujtimore, ku kanë marrë pjesë ish-udhëheqës të UÇK’së dhe liderë shtetëror.
Nimon Bajraktari, Bashkim Mehmetaj dhe Haki Ahmetxhekaj, tre dëshmorët e luftës së UÇK’së, kanë mbushur 20 vjet, prej kohës kur ishin vrarë nga forcat serbe më 6 korrik të vitit 1998.
Tre këta banorët ë fshatit Rudica të Klinës ishin bërë pjesë e Ushtrisë Çlirimtare të Kosovës, në Zonën Operative të Dukagjinit, me komandat Ramush Haradinajn.
Të tre këta dëshmorë ishin themelues të Ushtrisë Çlirimtare të Kosovës, në fshatin Rudica të Klinës. Ishin vrarë nga policia serbe në një pritë, ku tre dëshmorët bashkë edhe me shtatë burra tjerë të fshatit ishin nisur për t’u pajisur me armë, për në Shqipëri.
Bajraktari, Mehmeta dhe Ahmetxhekaj kishin themeluar celulën e UÇK’së në Rudica bashkë edhe më luftëtarë të tjerë.
Në koordinim me Shtabin e Përgjithshëm, dhjetë banorët e fshatit Rudicë, në korrikun e vitit 1998 nisen për në Gllogjan të Deçanit, për të vazhduar pastaj të pajiseshin me armatim në Shqipëri.
Mirëpo, rrugëtimi i Nimonit, Bashkimit dhe Hakiut dhe shtatë banorëve tjerë ishte fatal. Në një pritë të forcave policore serbe, dhjetë luftëtarët e UÇK’së bien në pritën e forcave policore në fshatin Dobërdol të Pejës. Fillimisht i keqtrajtojnë dhe maltretojnë të dhjetë pjesëtarët e UÇK’së për t’i vrarë tre prej tyre pastaj rrugës për në Pejë, në udhëkryqin Loxhë-Gorazhdec. Ndërsa, shtatë pjesëtarët tjerë i dërgojnë në Burgun e Dubravës, ku i maltretojnë e torturojnë deri pas përfundimit të luftës kur edhe lirohen nga burgu.
Shtatë të burgosurit: Skender Bajraktari, Arben Bajraktari, Nezir Bajraktari, Mustaf Mehmetaj, Shaban Mehmetaj, Gani Ahmetgjekaj, Luan Ahmetgjekaj lirohen nga burgjet serbe, pas përfundimit të luftës, në një gjendje të rëndë shëndetësore e psiqike për shkak të maltretimeve dhe torturave që kishin përjetuar në burgjet serbe.
Ndërkohë, trupat e tre dëshmorëve pushojnë në varrezat e dëshmorëve të UÇK-së në Gllogjan të Deçanit.
Nimon Bajraktari ishte fëmija e shtatë në familjen e tij. Ndërsa, ka lënë pas vetes gruan, dy djem e dy vajza.
Nipi i dëshmorit Nimon Bajraktari, i cili ka trashëguar emrin e gjyshit, kishte shkruar se e mban me krenari emrin e një njeriu që kishte dhënë jetën për Kosovën.
“Shtatëmbëdhjetë vjet pa ty Gjysh. I nderuari Gjyshi im, dëshmori i dheut të Kosovës, i lirisë tonë. Gjysh, djali juaj, ma ka vënë emrin tënd mua. Emrin Nimon e mbajë me krenari.
Sot, po mbushen 17-vjet prej se u vrare në fushën e betejës – për Lirinë e Kosovës, duke luftuar kundër policisë e ushtrisë serbe. Gjysh, unë jam rritur me rrëfimin tënd, me atë që t’i ke dhënë më të shtrenjtën – JETËN – për popullin e Kosovës. Do të jem krenar sa të jem gjallë me veprën tënde, me trimërinë tënde dhe me sakrificën tënde. Gjysh, amaneti juaj për çdo ditë po realizohet. Po shkon në vend ëndrra jote për Shtetin e Kosovës, për lirinë e popullit dhe përparimin e vendit tonë. Gjysh, rënien tënde do ta kujtojmë përgjithmonë, sa të jetë jeta. Kosova, Qyteti, Familja do të përkujtojmë përgjithmonë”, kishte shkruar Nimon Bajraktari, tash pesëmbëdhjetëvjeçar për gjyshin e ndjerë Nimon Bajraktari që po të ishte gjallë do t’i kishte 71 vjet. /Telegrafi/
Lufta Prigozhin - Putin
Më shumëPlagosja e katër personave, deklaratat e Policisë e Prokurorisë – gjithçka nga rasti në Lupç të Podujevës
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Të shtëna me armë në Lupç të Podujevës, katër të plagosur
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit