Befason Drenusha: Atilla ka gënjyer, fëmijët e kanë ditur që do të hyj në BBVK, e kanë parë edhe shtëpinë

Drenusha Latifi, e ftuar në Big Talk pas eliminimit të saj nga Big Brother VIP Kosova, ka befasuar me disa deklarata të forta.

Ajo ka folur hapur për eksperiencën e saj në shtëpi dhe brengat që ka pasur gjatë pjesëmarrjes në këtë spektakël.

Një kohë më parë, ish-burri i saj, Atilla, kishte qenë i ftuar gjithashtu në Big Talk, ku kishte thënë se fëmijët e tij nuk dinin asgjë për vendndodhjen e Drenushës dhe nuk kishin asnjë informacion rreth “Big Brother”.

Sipas tij, ai nuk i lejonte fëmijët të shihnin as Prime-t e spektaklit.

Mirëpo, Drenusha ka thënë ndryshe, duke shtuar se fëmijët e saj kanë qenë tërësisht në dijeni se ajo do të merrte pjesë në Big Brother dhe se ata kishin hyrë në shtëpi për të parë se ku do të qëndronte Drenusha gjatë pjesëmarrjes së saj në program.

Lexo po ashtu Drenusha Latifi flet për përkrahjen e madhe pas eliminimit: Më kanë shkruar gra e burra, nuk e kam pritur

Ajo gjithashtu ka theksuar se kishte pasur edhe vajzën me vete gjatë intervistës dhe kjo mund të konfirmohej nga vetë ajo.

Drenusha ka përmendur se fëmijët e saj kanë qenë shtysa më e madhe për të hyrë në këtë format dhe se ata e mbështetën gjatë gjithë procesit.

Kjo ka bërë që ajo të sugjerojë se Atilla nuk ka qenë shumë i sinqertë kur ka bërë deklaratat e tij në emision.

Kjo përballje e Drenushës me fjalët e ish-burrit të saj ka sjellë një tjetër këndvështrim mbi situatën dhe ka shtuar tensionin mes të dyve. /Telegrafi/