LAJMI I FUNDIT:

‘Batterygate’: Apple do të paguajë 113 milionë dollarë ‘për të zgjidhur çështjen e baterive të iPhone’

‘Batterygate’: Apple do të paguajë 113 milionë dollarë ‘për të zgjidhur çështjen e baterive të iPhone’

Apple do të paguajë 113 milionë dollarë “për të zgjidhur çështjen e akuzave” se ka ngadalësuar iPhone-t e vjetër.

Sipas BBC, përcjell Telegrafi, tridhjetë e tri shtete amerikane pretenduan se Apple e kishte bërë këtë për t’i shtyrë përdoruesit të blinin pajisje të reja.

Kështu, miliona njerëz u prekën kur modelet e iPhone 6 dhe 7 dhe SE u ngadalësuan në vitin 2016 në një skandal që u quajt “batterygate”.

Apple refuzoi të komentojë, megjithatë, ajo më parë ka thënë se telefonat ishin ngadalësuar për të ruajtur jetën e baterisë në plakje.

Marrëveshja është e ndarë nga një marrëveshje e propozuar që Apple arriti në mars për të paguar pronarët e prekur të iPhone deri në 500 milionë dollarë në një proces gjyqësor.

Në 2016 Apple azhurnoi softuerin në modelet e iPhone 6, 7 dhe SE – të cilat “mbytnin shpejtësitë e çipave në telefonat e plakur”.

Ngadalësime të pazakonta

Apple bëri të ditur se azhurnimi i saj uli kërkesat për energji pasi studiuesit gjetën ngadalësime të pazakonta në vitin 2017.

Por shtetet argumentuan se Apple kishte vepruar në mënyrë mashtruese dhe duhej të kishte zëvendësuar bateritë ose të zbulonte çështjen.

Sipas një regjistri në Arizona, miliona përdorues u prekën nga kjo, ndonëse Apple mohon që ngadalësimi të ishte për përfitime financiare.

Por Prokurori i Përgjithshëm i Arizonës, Mark Brnovich shkroi në një dokument gjyqësor të bërë publik të mërkurën: “Shumë konsumatorë vendosën që mënyra e vetme për të pasur performancë të përmirësuar ishte të blinin një iPhone të modelit më të ri nga Apple”. /Telegrafi/

Në trend Teknologji

Më shumë
Kamera më e shpejtë në botë mund të regjistrojë 156.3 trilionë korniza në sekondë

Kamera më e shpejtë në botë mund të regjistrojë 156.3 trilionë korniza në sekondë

Teknologji
Google prezanton funksionin e ri që ju ndihmon me blerjet online

Google prezanton funksionin e ri që ju ndihmon me blerjet online

Teknologji
Kur funksionet e Galaxy AI do të jenë të disponueshme në telefonat më të vjetër të Samsungut

Kur funksionet e Galaxy AI do të jenë të disponueshme në telefonat më të vjetër të Samsungut

Teknologji
Miliarda përdorues të WhatsApp do të fitojnë përditësime me Inteligjencë Artificiale

Miliarda përdorues të WhatsApp do të fitojnë përditësime me Inteligjencë Artificiale

Teknologji
Samsung ka lëshuar përditësimin e sigurisë të radhës për serinë Galaxy S24, i cili vjen me përmirësimet edhe të kamerës

Samsung ka lëshuar përditësimin e sigurisë të radhës për serinë Galaxy S24, i cili vjen me përmirësimet edhe të kamerës

Teknologji
Safari është shfletuesi i dytë më i përdorur në botë në desktop

Safari është shfletuesi i dytë më i përdorur në botë në desktop

Teknologji
Kalo në kategori