LAJMI I FUNDIT:

Bernie Sanders ra në kurthin e komikëve rusë, duke menduar se po fliste me aktivisten Greta Thunberg

Bernie Sanders ra në kurthin e komikëve rusë, duke menduar se po fliste me aktivisten Greta Thunberg

 Vladimir Kuznetsov dhe Alexey Stolyarov, të cilët i kanë mashtruar shumë personalitete të profilit të lartë, e kanë vënë në kurth edhe Bernie Sanders, kandidatin demokrat për president të Shteteve të Bashkuara.

Komikët rusë, e telefonuan kandidatin demokrat dhe u prezantuan si aktivistja për mbrojtjen e ambientit Greta Thunberg, ndërsa i ofruan ndihmë për fushatën e tij elektorale, transmeton Telegrafi.


Telefonata ishte bërë në fillim të dhjetorit, por dyshja vendosi ta lëshojë atë dy muaj më vonë për shkak të suksesit të Sanders në Iowa dhe New Hampshire, tha Kuznetsov për Associated Press në një intervistë në Skype.

Fox News raporton se një përfaqësues për fushatën e Sanders, nuk e komentoi vërtetësinë e telefonatës.

Në regjistrim, një femër e pa emëruar pretendon të jetë Greta, derisa Stolyarov luan babanë e saj, Svante. Ata ofrojnë mbështetje e tyre për fushatën e një njeriu që e identifikon veten si Sanders, kurse ai e mirëpret atë.

Sanders 78-vjeçar, sugjeron që “Greta” të bëjë një deklaratë në mbështetje të tij dhe që ata të zhvillojnë një organizim së bashku, kur ajo të shkonte sërish në Shtetet e Bashkuara. “Unë do të isha vërtet mirënjohës”, dëgjohet duke thënë ai.

“Greta” më pas propozon të regjistrojnë së bashku një këngë rap, në mbështetje të Sanders me Billie Eilish dhe Kanye West. Sanders thotë se kjo do të ishte tmerrshme dhe duke parë që është një mahi, ndërsa përpiqet të përfundojë bisedën.

Por, para se biseda të ketë përfunduar, “Greta”, e ka marrë këshillën e tij, se si të sillet në Rusi, gjatë një vizite që do ta ketë së shpejti.

“Rusia dhe Putin kanë qenë shumë të këqij, me sa di unë, për ndryshimin e klimës. Ata kanë shumë naftë dhe nafta është shumë e rëndësishme për ekonominë e tyre”, ka thënë mes tjerash senatori i Vermontit.

Kuznetsov ka thënë se thirrja ishte një prej të shumtave, që dyshja ua bëjnë politikanëve të rangut të lartë, si pjesë e projektit “Stars Save the Earth”, ndërsa paraqiten si Greta Thunberg dhe regjistrojnë reagimet e tyre. /Telegrafi/

Në trend Botë

Më shumë
Ushtarët rusë shohin vetëm një mënyrë që të kthehen të gjallë te familjet e tyre, thotë Ukraina

Ushtarët rusë shohin vetëm një mënyrë që të kthehen të gjallë te familjet e tyre, thotë Ukraina

Botë
Kërcënimi për sulm iranian ndaj Izraelit është 'real dhe i besueshëm', thotë Shtëpia e Bardhë

Kërcënimi për sulm iranian ndaj Izraelit është 'real dhe i besueshëm', thotë Shtëpia e Bardhë

Botë
Momenti kur makina e “tradhtarit ukrainas” hidhet në erë në një atentat kundër tij – pasi ai u pa duke ecur drejt saj

Momenti kur makina e “tradhtarit ukrainas” hidhet në erë në një atentat kundër tij – pasi ai u pa duke ecur drejt saj

Botë
Rritet rreziku i një lufte më të madhe - Biden e di se nuk mund të mbyllë sytë

Rritet rreziku i një lufte më të madhe - Biden e di se nuk mund të mbyllë sytë

Azia
Trump mendonte se Ukraina ‘duhet të jetë pjesë e Rusisë’ - The Guardian zbulon detaje të një libri që do të publikohet të martën

Trump mendonte se Ukraina ‘duhet të jetë pjesë e Rusisë’ - The Guardian zbulon detaje të një libri që do të publikohet të martën

Botë
Salman Rushdie përshkruan momentin kur u godit me thikë - zbulon se çfarë i tha kirurgu pas sulmit të vitit 2022

Salman Rushdie përshkruan momentin kur u godit me thikë - zbulon se çfarë i tha kirurgu pas sulmit të vitit 2022

Botë
Kalo në kategori