Barcelona pritet ta paguajë klauzolën e Griezmannit në fillim të korrikut

Barcelona do të përfundojë nënshkrimin e Antoine Griezmann për 120 milionë euro nga Atletico Madrid, pasi klauzola lirimit në kontratën e tij hyn në fuqi më 1 korrik.

Telegraph Sport mëson se marrëveshja në mes të skuadrës katalunase dhe sulmuesit francez është arritur, ndërsa pritet që të paguhet klauzola e tij në fillim të muajit të ardhshëm.

Kjo, megjithatë, është mohuar nga presidenti i Barcelonës, Josep Maria Bartomeu. Javën e kaluar ai pretendoi se nuk kishte marrëveshje me sulmuesin, por burimet kanë sugjeruar se është finalizuar.

Griezmann njoftoi në muajin maj në rrjetet sociale se po largohet nga Los Cholchoneros, pasi dëshiron ta provojë një aventurë të re, derisa u referohej në njëfarë forme Blaugranasëve.

Lexo po ashtu Barcelona dëshiron dy goditje të mëdha, përveç Griezmannit edhe Neymari pritet të rikthehet në Camp Nou

28-vjeçari pritet të jetë transferimi i tretë më i shtrenjtë në histori të Barcelonës, pas Philippe Coutinhos dhe Ousmane Dembeles.

Me arritjen e Griezmannit, skuadra katalunase do të ndërtojë një sulm tejet të fortë, pasi planifikohet që në këtë verë të transferohet edhe Neymar nga Paris Saint-Germain, dy vite pasi u largua nga Camp Nou. /Telegrafi/