Barcelona ka gjetur portierin e ri dhe do ta kthej nga pensionimi që e lajmëroi para dy muajsh

Barcelona vazhdoi fillimin e saj perfekt në La Liga me një fitore fantastike me rezultat 5-1 si mysafir ndaj Villarrealit të dielën e kaluar dhe pas gjashtë xhirove ka maksimum 18 pikë.  

Portieri i parë i Barcelonës, Marc-Andre ter Stegen u lëndua gjatë një ndërhyrjeje në fund të pjesës së parë dhe u largua nga fusha me barelë.  

Është një dëmtim i rëndë i gjurit dhe parashikohet se ai nuk do të mund të mbrojë për tetë muaj, çka do të thotë se sezoni i tij ka përfunduar. 

Fabrizio Romano shkruan se Barcelona është në kërkim të një portieri të ri, të cilin do ta sillte falas.  

Objektivi i saj është Wojciech Szczęsny, i cili së fundmi ka përfunduar karrierën e tij.  

Polaku mbrojti te Juventusi nga viti 2017 deri në vitin 2024, por këtë verë ai vendosi të ndalojë së luajturi futboll profesionist.  

🔵🔴🇵🇱 Wojciech Szczesny’s agents CAA Stellar have been approached by Barcelona to discuss potential terms.

Szczesny announced his retirement this summer but Barça want to understand his situation, as @wlodar85 reports.

Keylor Navas and one more candidate remain in the list. pic.twitter.com/1nPNr9HGph

— Fabrizio Romano (@FabrizioRomano) September 24, 2024

Megjithatë, Barcelona dëshiron t’i japë fund pensionimit dhe ta punësojë si portierin e parë deri në rikuperimin e Ter Stegen.  

Në karrierën e tij, Szczęsny ka mbrojtur për Arsenalin, Brentfordin, Romën dhe Juventusin dhe ka 84 paraqitje për Poloninë. /Telegrafi/