Kryetari i Moskës, Sergey Sobyanin deklaron se pak qytetarë kishin zgjedhur të vaksinohen kundër COVID-19.

Spitalet në kryeqytetin rus vazhdojnë të jenë pranë kapaciteteve maksimale me pacientë të sëmurë dhe me raste të vdekjeve në nivele të larta, pavarësisht se vaksinat janë gjerësisht të disponueshme për gati gjashtë muaj.

“Është e jashtëzakonshme. Njerëzit po sëmuren, ata vazhdojnë të sëmuren, ata vazhdojnë të vdesin. E megjithatë ata ende nuk duan të vaksinohen”, tha Sobyanin.

Që nga fillimi i këtij viti, çdo banor i Moskës duhet të paraqitej pranë qendrave shëndetësore vetëm me letërnjoftim për të bërë vaksinën.

“Ne ishim qyteti i parë që njoftuam fillimin e vaksinimit masiv. Por, deri më sot përqindja e njerëzve të vaksinuar në Moskë është më e vogël se në çdo qytet evropian”, tha shtoi ai.

Për të shpejtuar procesin e vaksinimit, qendra të posaçme u hapën edhe në qendrat tregtare dhe parqet e Moskës, ndërsa të moshuarve ju është ofruar pagesa indirekte si një nxitje shtesë. Megjithatë, vetëm 1.3 milion njerëz në Moskë kanë marrë një dozë deri më tani nga 12 milion banorë.

Një hulumtim i pavarur tregon se, 62 për qind e rusëve nuk ishin të gatshëm të merrnin vaksinën “Sputnik V”, me moshat 18 deri 24 vjeç më ngurrues. /Telegrafi/