LAJMI I FUNDIT:

Banka Botërore me projekt për punësimin e të rinjve

Banka Botërore me projekt për punësimin e të rinjve

Ministri i Punës dhe Mirëqenies Sociale, Skender Reçica, është takuar sot me përfaqësues të Bankës Botërore, të kryesuar nga Marco Mantovanelli, menaxher i Bankës Botërore për Kosovë.

Temë diskutimi ishte projekti “Përfshirja e të Rinjve dhe Ndërmarrësia”, përkrahur nga Banka Botërore.

Mantovelli tha se, nëpërmjet këtij projekti synohet të arrihet një përfshirje më e madhe sociale në nivelin lokal, me theks të veçantë punësimi i të rinjve të komunave të ndryshme në Kosovë.

Ai kërkoi bashkëpunim nga ministri Reçica për jetësimin e këtij projekti, për çka mori garancën e plotë nga ai për mbështetje dhe ndërveprim.

Reçica e vlerësoi këtë projekt si shumë të rëndësishëm, marrë për bazë faktin se synon të përfshijë të rinjtë në punësim dhe me këtë rast ofroi mbështetjen e plotë të Ministrisë për bashkëpunim me Bankën Botërore për projektin në fjalë.

Reçica shtoi se të gjitha projektet që kanë për synim punësimin, sidomos të të rinjve dhe grave, hyjnë në kuadër të objektivave kryesore të MPMS-së dhe si të tilla kanë mbështetjen e plotë të kësaj ministrie. /Telegrafi/