Gareth Bale do të rikthehet te Real Madridi pas një viti si i huazuar te Tottenham Hotspur.
Sulmuesi uellsian ka edhe një vit kontratë te Los Blancos, edhe pse nuk bën pjesë në planet e klubit mbretëror.
E ardhmja e tij pritet të jetë larg Santiago Bernabeut, pasi nuk pritet të ketë hapësira te Reali.
Trajneri Carlo Ancelotti i sheh si titullar dyshen Vinicius - Hazard dhe nuk pritet të ketë hapësira për Balen.
Kapiteni i Uellsit është futur në bisedime me gjigantin amerikan LA Galaxy që po duan transferimin e tij në MLS.
Galaxy dëshiron ta ndërtojë një skuadër të fortë për titullin dhe prioritet kanë afrimin e sulmuesit.
Bale gjithnjë ka deklaruar se dëshiron një ditë të luaj në MLS dhe transferimi i tij gjatë verës te LA Galaxy është mëse i mundur.
Kujtojmë që uellsiani edicionin e kaluar zhvilloi 34 ndeshje me Spurs, ku shënoi 16 gola dhe bëri tre asistime. /Telegrafi/
