Për jetën e Bajronit (Lord Byron), janë bërë filma dokumentarë e artistikë, ndërsa janë shkruar libra e punime të shumta shkencore. Në të gjitha këto vepra mungon prezenca e duhur e elementit shqiptar, përkundër faktit se ai u popullarizua për shkak të Shqipërisë.

Shqipëria dhe shqiptarët e inspiruan Bajronin ta shkruante kryeveprën e tij, “Shtegtimet e Çajld Haroldit”, por në histori ai ka hyrë si hero i Greqisë. Kjo jo për fajin e tij, por për shkak se kështu (gabimisht) e kanë trajtuar këtë temë historianët dhe kritikët letrarë – pas vdekjes së tij.

Kështu, në një film interesant të BBC-së për jetën e tij, Shqipëria përmendet vetëm dy herë, por filmi ilustrohet me muzikë shqiptare.

“Historia shqiptare është sikur rasti i Bajronit. Roli është i madh, por përmendja është e vogël. Duhet shumë punë për ta përmirësuar këtë gabim”, thotë historiani dhe publicisti Daut Dauti. /Telegrafi/