Prindërit e paemëruar nga Oklahoma e Shteteve të Bashkuara, janë duke u hetuar nga policia, për shkak të sjelljeve të pazakonta me fëmijën, që po konsiderohen si abuzim.

Videoja e postuar në një llogari në Facebook, e tregon babanë teksa i vë fëmijës salcë djegës në organet gjenitale dhe fytyrë, vetëm pse ai urinonte pa kontroll dhe nuk shkonte në tualet, transmeton Telegrafi.

“Ishte një lëng i padëmshëm që e përdorëm për ta frikësuar, ai ka qeshur vetëm pak momente pasi përfundoi filmimi. Asnjëherë nuk do ta lëndonim fëmijën tonë”, është arsyetuar nëna e vogëlushit.

Megjithëse ata kanë hedhur poshtë akuzat, duke thënë se ishte vetëm lojë, hetuesit kërkuan që fëmija të dërgohet në një qendër kujdesi, deri në një vendim tjetër.

Ekspertët mendojnë se këto metoda nuk janë të rralla, ndërsa janë shumë të dëmshme për të vegjlit, që kanë probleme me urinim dhe nuk trajtohen si duhet te profesionistët. /Telegrafi/