Besimtarët që i përmbahen kalendarit Gregorian festojnë sot Krishtlindjet.

Me këtë rast, Papa Françesku iu drejtua njerëzve në mbarë botën dhe imazhe interesante që shënuan festën po vijnë nga vende të ndryshme të planetit.

Mesazhi i Krishtlindjeve, Papa Françesku: Vështroni përtej shkëlqimit të dritave, kujtoni të varfërit Mesazhi i Krishtlindjeve, Papa Françesku: Vështroni përtej shkëlqimit të dritave, kujtoni të varfërit

“Tu shërbesh të tjerëve është më e rëndësishme sesa të kërkosh status në shoqëri dhe të kërkosh jetën duke u bazuar në sukses. Jezusi dëshiron të lavdërohet përmes të varfërve”, tha Papa Françesku në meshën tradicionale të Krishtlindjes.

Një skulpturë gjigante me rërë e Babagjyshit u shfaq në një plazh në Gjirin e Bengalit në shtetin lindor indian të Odisha.

Babadimri, i cili sipas besimeve katolike shpërndan dhurata për Krishtlindje, arriti në vendet më të largëta të botës. Një foto e një vajze që vrapon drejt babait të saj, i cili është i maskuar si babagjysh dhe duke e pritur me padurim dhuratën është regjistruar në jug të Irakut.

Reklama
Reklama

Babagjyshi sërfist është shfaqur në Florida, dhe kështu solli frymën e festës në një zonë ku moti është i ngrohtë shumicën e vitit.

Një festë e madhe Krishtlindjesh është organizuar në plazhin e Indisë, ku të gjithë të mbledhur kanë veshur kapele dhe janë veshur me të kuqe, në kuadër të festës së madhe të krishterë.

Zjarrfikësit në Meksikë vendosën të bëjnë të lumtur fëmijët që janë pa kujdes prindëror dhe mblodhën donacione të shumta për ta, të cilat ua bëri dhuratë një prej zjarrfikësve më të mirë, Rodolfo Renteira. /Telegrafi/