LAJMI I FUNDIT:

Avancime masive në Universitetin e Prizrenit

Avancime masive në Universitetin e Prizrenit

Mungesës së zgjedhjes së rektorit të ri, ‘ia kanë parë hajrin’ shumë punëtorë të Universitetit “Ukshin Hoti” në Prizrenit.

Ata janë avancuar nëpër pozita të ndryshme.

Avancimet janë bërë nga Sekretari i Përgjithshëm, Burim Berisha.

Kryesuesi i Këshillit Drejtues të UPZ-së, Bedri Muhadri, ka kërkuar ndërkaq anulimin e avancimeve. Saktësisht ka kërkuar anulimin e një konkursi të brendshëm, i cili është shpallur me datën 2.11.2018.

“Kam kërkuar që të anulohet konkursi, por sekretari nuk e ka anuluar”, tregon Muhadri për “PrizrenPress”.

“Për këtë rast jam ankuar edhe në Këshillin e Pavarur Mbikëqyrës për Shërbimin Civil të Kosovës”.

Muhadri, në vendimin për anulimin e konkursit, të cilin e ka siguruar “PrizrenPress”, ka dhënë disa arsye pse duhet të anulohen avancimet.

“Këshilli drejtues është përgjegjës për të gjitha vendimet lidhur me çështjet financiare, në mënyrë që të sigurojë kushte të përshtatshme për veprimtarinë e qëndrueshme financiare të Universitetit”.

Muhadri, thotë se në mungesë të rektorit, kompetencat i kalojnë kryesuesit të Këshillit drejtues të UPZ-së.

Universiteti “Ukshin Hoti” në Prizren, ka mbetur pa rektor. Zgjedhja e rektorit të ri, Ismet Temaj, ka përfunduar në Gjykatën Themelore të Prizrenit, pas kontestimit nga ish-rektori, Ramë Vataj.

Burimet e “PrizrenPress”-it brenda UPZ-së, kanë bërë të ditur se nga koha e mos-rizgjedhjes së Vatajt, në këtë institucion kanë filluar avancimet nëpër pozita të shumë punëtorëve.

“Krejt janë bërë shefa pa pasur as punëtorë ”, tregon për portalin, një burim brenda UPZ-së.

Sekretari i Përgjithshëm, Burim Berisha thotë ndërkaq se, kryesuesi i Këshillit drejtues, Bedri Muhadri “po përzihet” në punët e huaja.

“Kryesuesin e Këshillit drejtues e kam paditur në gjykatë, për përzierjen e tij në kompetencat e sekretarit”.

Ai tregon se të gjitha avancimet janë bërë në përputhje me ligjin.

“Edhe për konkursin për të cilin po flisni kam kërkuar interpretim ligjor nga Këshilli i Pavarur Mbikëqyrës për Shërbimin Civil…”.

Gjykata Themelore e Prizrenit, javën e kaluar ka vendosur për shtyrjen e ekzekutimit të vendimit të Këshillit Drejtues të universitetit “Ukshin Hoti” lidhur me zgjedhjen e rektorit të këtij institucioni të lartë të arsimit.

Ky vendim i gjyqësorit është marrë si masë e sigurimit, pas padisë që ish-rektori i UPZ-së, Ramë Vataj, ka bërë ndaj vendimit të KD të UPZ-së, për zgjedhjen e Ismet Temajt në postin e rektorit të këtij universiteti.

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Si ndikon dygjuhësia në zhvillimin neurokognitiv te fëmijët dhe roli i teknologjisë – shpjegon Pervizaj, mjeke Neuroshkencës Kognitive

Si ndikon dygjuhësia në zhvillimin neurokognitiv te fëmijët dhe roli i teknologjisë – shpjegon Pervizaj, mjeke Neuroshkencës Kognitive

Elfije Boletini
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Këshilli i Sigurimit i OKB-së refuzon serish propozimin rus të diskutohet për sulmet ajrore të NATO-s mbi Serbinë

Këshilli i Sigurimit i OKB-së refuzon serish propozimin rus të diskutohet për sulmet ajrore të NATO-s mbi Serbinë

Lajme
Kalo në kategori