Autoritetet ukrainase: Putin shkarkoi tetë gjeneralë të lartë pas dështimit në Ukrainë

Vladimir Putin ka shkarkuar gjeneralët e lartë të ushtrisë dhe është zemëruar me FSB-së, pasi që inteligjenca ka dështuar me strategjinë e tyre duke pësuar një seri humbjesh të turpshme në ditët e para të agresionit në Ukrainë.

Oleksiy Danilov, kreu i këshillit të sigurimit të Ukrainës, tha se rreth tetë komandantë rusë janë shkarkuar që nga fillimi i konfliktit, ndërsa Moska përpiqet të ndryshojë strategjinë pasi deri më tani ka dështuar totalisht, raporton dailymail.

Putin thuhet gjithashtu se është i indinjuar me komandantët e shërbimit të sigurisë FSB – të cilin ai e drejton – ku kishte marrë raporte se Ukraina ishte e dobët, e mbushur me grupe neo-naziste dhe do të dorëzohej lehtësisht nëse sulmohej.

Vendimmarrja e dobët ka bërë që Rusia të pësojë viktima shumë më të mëdha sesa priste në sulmin e saj, i cili tani ka vazhduar për dy javë.

Duket se Moska kishte parashikuar pak rezistencë kur dërgoi forca të lehta të mbështetura nga sulmet ajrore për të kapur objektivat kryesore gjatë ditëve të hapjes, por u përball me kundërsulme ndëshkuese.

Lexo po ashtu Gjithçka që ndodhi gjatë 43 ditëve të agresionit rus në Ukrainë

Shifra të besueshme janë të vështira për t’u arritur, por Ukraina beson se Rusia ka humbur deri në 12 mijë burra në një dy javë. Inteligjenca evropiane zvogëlon shifrat – midis 6,000 dhe 9,000 – dhe SHBA akoma më të ulët, deri në 3,000.

Cilado që të rezultojë e saktë, është pothuajse me siguri më shumë se sa kishte parashikuar Putini kur nisi sulmin me shpresën se luftimet do të përfundonin brenda pak ditësh. /Telegrafi/