Audio-incizimet ku i përmendej emri, Driton Muharremi jep dorëheqje nga pozita e anëtarit në KGJK

Pas publikimit të audio-incizimeve nga portalin Shqip.com, anëtari i Këshillit Gjyqësor të Kosovës (KGJK), Driton Muharremi ka dhënë dorëheqje të parevokueshme nga pozita e anëtarit në këtë këshill.

Këshilli Gjyqësor i Kosovës (KGjK),  përmes një njoftimi për media njofton se ka pranuar sot deklaratën e dorëheqjes së parevokueshme të anëtarit të KGjK-së, Driton Muharremi.

“Z. Muharremi, në deklaratën drejtuar Kryesuesit dhe anëtarëve të KGjK-së, thekson se, jep dorëheqje të parevokueshme me të vetmin qëllim që institucioni i KGjK-së të mbetet i pa kontestuar jo vetëm për publikun, por edhe nga grupet e interesit që kanë tendenca të ndërhyrjes në sistemin gjyqësor. KGjK, do të njoftoj Kuvendin e Republikës së Kosovës për zëvendësimin e anëtarit të dorëhequr”, thuhet në njoftim.

Ndryshe, më 30 korrik në media filluan të publikohen disa audio-incizime që kanë bëjnë me sektorin e drejtësisë, saktësisht në prokurori prej ku mund të hedhen dyshime për keqpërdorim të detyrës dhe korrupsion. /Telegrafi/

VËMENDJE: Telegrafi.com ka sjell platformën më të re të komentimit - bëni RESET fjalëkalimin me emailin paraprak për të pasur qasje menjëherë

Platforma e re e komentimit përfshin shumë ndryshime dhe risi të cilat jua lehtësojnë shprehjen e mendimit mbi çështjet e ndryshme. Për të pasur qasje në historinë e llogarisë dhe komenteve tuaja të mëhershme, ju duhet ta bëni Reset fjalëkalimin me e-mailin e përdorur në llogarinë paraprake