Audi Q7 i ri me stil të ngjashëm si Q8 (Video)

Makina më e mirë SUV nga Audi, është më e freskët se më parë

Krahasuar me makinat tjera SUV, që gjithnjë e më shumë po modernizoheshin, Q7 mbeti më anash dhe duket se ishte vjetruar, transmeton Telegrafi.

Në mënyrë që ta mbajë një treg këtë makinë që sjellë shumë të ardhura, Audi ka bërë ndryshimet e nevojshme që ta sjell si model të vitit 2020.

Megjithëse ndryshimet janë të vogla, e kanë bërë të dallojë shumë prej modelit aktual, pasi në të riun pjesa e përparme është më e madhe, që i ka lënë hapësirë grillit tetëkëndësh, ndërsa i ka zënë një pjesë të dritave, që janë më të vogla.

Për të qenë sa më i përshtatshëm me makinat Allroad, dizajnerët në Audi kanë bërë punimet e duhura, duke bërë që Q7 i ri të ketë stil të ngjashëm me Q8, që është lansuar më herët.

Zgjerimi i sipërfaqes së poshtme dhe rritja në përgjithësi, ka bërë që Q7 të ketë mundësi edhe për të vendosur ulëse shtesë, që të krijojë mundësi për shtatë persona.

Lansimi i Audi Q7 pritet të bëhet gjatë shtatorit, ndërsa deri atëherë pritet të mësohet edhe çmimi që do të ketë. /Telegrafi/