“Ata kanë probleme”: Rusia po ecën ngadalë me agresionin e saj në Ukrainë, thotë një zyrtar i NATO-s

Një zyrtar ushtarak i NATO-s pretendon se Rusia “po e ngadalëson përparimin e saj në pushtimin e Ukrainës për të lënë kohë për negociata”.

“Ata kanë probleme”, shpjegoi zyrtari, duke treguar për të dhënat më të fundit të aleancës, shkruan CNN, përcjell Telegrafi.

“Atyre u mungon nafta, ata po ecin drejt ngadalësimit dhe morali është padyshim një çështje”, ka shtuar ai.

Lexo po ashtu Bie intensiteti i agresionit rus, ukrainasit presin në radhë për të kapur armët

Sidoqoftë, të shtunën, ministria ruse e mbrojtjes tha se trupat e saj janë urdhëruar të rifillojnë ofensivën e tyre “në të gjitha drejtimet”, pasi u urdhërua një pezullim për negociatat me qeverinë ukrainase.

Ministria tha se ofensiva u urdhërua të vazhdonte pasi Ukraina braktisi konsultimet.

Por një këshilltar presidencial ukrainas mohoi në orët e para të së shtunës se Ukraina kishte refuzuar të negocionte.

I pyetur nëse rusët ka të ngjarë të intensifikojnë përpjekjet e tyre, zyrtari tha: “Ata duhet ta bëjnë, ata janë shumë prapa afateve. Kjo po del jashtë kontrollit për ta, çdo ditë shtesë është shumë e dhimbshme”. /Telegrafi/