“Ata janë si vëllezër”- Mikel Arteta tregon dy lojtarë të Arsenalit që kanë kimi të fortë mes vete

Mikel Arteta ka thënë se Gabriel Martinelli dhe Fabio Vieira kanë një lidhje të fortë mes vete dhe me Arsenalin, duke e marr si shembull lidhjen që kishte Granit Xhaka me Oleksandr Zinchenkon.

E gjithë situata u zhvillua kur trajneri Arteta u pyet për Kai Havertz.

“Ne do të shohim [për një pozicion më të mirë], sepse gjërat do të ndryshojnë, ju e dini, dhe do të gjejë kiminë”.

“Granit [Xhaka], nëse ai nuk do të luante me Oleksandr [Zinchenkon] ndoshta do të kishte qenë ndryshe. Por diçka kishte aty, por ajo kimi e ndërtuar nuk erdhi vetëm në fushë, por jashtë saj dhe kjo e ndihmoi të gjithë rrjedhshmërinë”.

“Nëse i bashkoni Fabio [Vieira] dhe [Gabriel] Martinelli, diçka e mirë do të ndodhë sepse ata janë si vëllezër”.

Lexo po ashtu “Është e vështirë për të”, Arteta pranon se Havertzit i mungon instikti i golit

“Dhe është diçka që nuk është në taktikë, nuk është në formacion, është diçka tjetër. Ata kërkojnë njëri-tjetrin, shikojnë njëri-tjetrin, kuptojnë njëri-tjetrin dhe duan të luajnë me njëri-tjetrin. Dhe kjo është një plus dhe ne duhet të jemi gjatë gjithë kohës duke u përpjekur ta zhvillojmë këtë”, ka thënë Arteta.

Martinelli dhe Vieira e kanë pranuar hapur se janë si vëllezër. Ata shpesh shihen së bashku gjatë stërvitjeve dhe ndeshjeve. /Telegrafi/