Asllan Bajrami mes lotësh kujton 24 Marsin e Dukagjinit dhe NATO-s

Në një rrëfim për emisionin ‘Alo Mirëmëngjesi’ të Radio Dukagjinit, gazetari redaktor atëherë i TVSH-së dhe reporteri ngjarjeve të mëdha të kohës, Asllan Bajrami,  mes emocionesh dhe lotësh ka rikujtuar 24 marsin e vitit 1998, fillimit të luftës së hapur në Dukagjin, sulmet e mbi familjen Haradinaj dhe 24 marsin 1999 fillimit e sulmeve të NATO-s mbi caqet serbe në jugosllavi.

‘Ishin ditë të rënda ku morali nuk duhej assesi të mungonte. Ishin rrethana lufte. Nga terreni vinin lajme të rënda por edhe shpresëdhënëse. Fetnete Ramosaj ishte ajo që na i barte informacionet se çfarë po ndodhte në dukagjin. Kishte ndodhur Qirezi, Likoshani, Prekazi dhe tani lufta po përshkallëzohej, fronti i hap edhe në dukagjin. Asgjë s’kisha mundësi të bëja pa kolegët e mi gazetarë. Lufta ishte e pabarabartë dhe e rëndë. Rezistenca e familjes Haradinaj atë ditë në Gllogjan, po na forconte edhe ne që ishim jashtë Kosovës”, kujton Bajrami 24 marsin ’98.

Tutje gazetari i njohur Asllan Bajrami flet edhe për fillimin e sulmeve të NATO-s mbi Jugosllavi.

“Qarku kohor erdhi nga 24 marsi ’98 më 24 mars ’99. Aleanca NATO nisi aeroplanë nga baza e saj në Aviano. Ky ishte lajm i shumëpritur. Ka qenë ora 19:55 minuta kur nga pulti i Televizionit shqiptar, ishte sigla përmbyllëse e edicionit të lajmeve, kam marrë informacionin dhe menjëherë kam urdhëruar kolegen Besa Çeku, që ta kumtoi lajmin e shumëpritur. Rambuje kishte dështuar për serbët sepse ata nuk nënshkruan”, rrëfeu gazetari Bajrami mes lotësh, në ‘Alo Mirëmëngjesi’ tek Radio Dukagjini. /Telegrafi/