ASH publikon biografitë e propozimeve për ministra dhe zëvendës ministra
Aleanca për Shqiptarët (ASH) gjatë ditës së djeshme ka prezantuar emrat e zgjedhur që do t’i kandidojë për ministra dhe zëvendës ministra në Qeverinë e Maqedonisë, pas marrëveshjes së arritur me kryeministrin Dimitar Kovaçevski për bashkim të fuqive rreth qëllimit për integrimin e vendit në BE. ASH ka treguar edhe biografitë e pesë kandidatëve për rendin e parë dhe të dytë të zyrtarëve që i ka propozuar në Qeveri, njofton Telegrafi Maqedoni.
Fatmir Mexhiti, Kandidat për Ministër i Shëndetësisë
Fatmir Mexhiti është mjek specialist në neurologji, me përvojë menaxheriale në sektorin e shëndetësisë publike, me fokus në sigurimin e cilësisë së shërbimit, si dhe në analizën dhe përpunimin e temave që lidhen me aspektet profesionale të kujdesit shëndetësor terciar.
Nga viti 2015 është Neurolog pranë ISHP QU për neurologji Shkup, Reparti për sindroma të kokëdhimbjes dhe dhimbjes. Ka qenë Anëtar dhe Kryetar i bordit drejtues të Fondit të Sigurimeve Shëndetësore (2017-2018) dhe Këshilltar i Ministrit të Shëndetësisë (2017). Para kësaj, ka qenë mjek në SHZHQ QShU për Neurologji Shkup (2011 – 2015), në Njësinë e Kujdesit Shëndetësor Primar “Dr Fatmir” (2007-2010) dhe në Spitalin e Përgjithshëm “Ferid Murad” (2000-2007).
Fatmir Mexhiti ka specializuar në neurologji pranë Universitetit “Shën Kirili dhe Metodi” (2015), është licencuar për praktikë mjekësore pranë Odës së Mjekëve të Maqedonisë së Veriut (2000), ndërsa si Doktor i mjekësisë ka diplomuar pranë Universitetit të Sarajevës (1999).
Krenar Lloga, Kandidat për Ministër i Drejtësisë
Krenar Lloga ka mbi 15 vjet përvojë në sektorin publik në Republikën e Maqedonisë së Veriut, duke përfshirë pozitat:
Zëvendësdrejtor i Përgjithshëm i Policisë Financiare (2007); Këshilltar Ligjor në Komunën e Tetovës (2010); Shef kabineti dhe këshilltar për çështje juridike në Komunën e Strugës (2013); Sekretar i Përgjithshëm në Komunën e Strugës (2014-2017); Udhëheqës i Sektorit për Çështje Juridike në Komunën e Strugës (2018) dhe Udhëheqës i Sektorit për Burime Njerëzore në Avokaturën e Shtetit (2019). Nga viti 2021 është anëtar i Komisionit Shtetëror të Zgjedhjeve.
Krenar Lloga ka përvojë aktive në jetën politike dhe publike të Maqedonisë së Veriut që nga viti 2005, fillimisht me Partinë Demokratike të Shqiptarëve (PDSh) si bashkëpunëtor i kryetarit të saj, të ndjerit Arbën Xhaferi. Më pas si Kryetar i Forumit Rinor (2009-2012). Në vitin 2014 ishte ndër themeluesit e Lëvizjës për Reforma në PDSh.
Krenar Lloga ka diplomuar në të Drejtën Kushtetuese dhe Administrative. Ai ka magjistruar në Diplomaci në Universitetin e Evropës Juglindore. Krenar Lloga është Sekretar i Përgjithshëm i Aleancës për Shqiptarët.
Azir Aliu, Kandidat për Ministër i Shoqërisë Informatike dhe i Administratës Publike
Azir Aliu aktualisht është i punësuar si profesor universitar në Universitetin e Evropës Juglindore në Tetovë, në Fakultetin e Shkencave Kompjuterike dhe Teknologjisë. Aliu ka qenë drejtori i parë dhe iniciator i parkut të parë teknologjik SEEUTechPark në Tetovë. Në të kaluarën ka mbajtur postin e nënkryetarit të Bordit në Universitetin e Evropës Juglindore.
Përveç përvojës akademike, Azir Aliu ka edhe një karrierë të gjatë në sektorin privat si ndërmarrës, mentor dhe konsulent. Poashtu ka qenë këshilltar i Presidentit të Qeverisë për Inovacion, TIK dhe Arsimin e Lartë. Azir Aliu është i vetmi përfaqësues nga Maqedonia e Veriut në Programin “Digital Citizenship Education” në Këshillin e Evropës.
Shkollimin formal e kreu në Universitetin “Shën Kiril dhe Metodi” në Shkup, ku fitoi titullin Doktor i Shkencave të Informacionit. Ai është autor i disa punimeve kërkimore shkencore dhe menaxher i disa qendrave per inovacion në RMV.
Vjollcë Berisha, Kandidate për Zëvendës Ministre e Bujqësisë, Pylltarisë dhe Ekonomisë së Ujërave
Vjollcë Berisha është ligjëruese universitare me përvojë 17 vjeçare në botën akademike dhe 14 vite angazhim aktiv në politikë.
Nga 2006 është Pedagoge në Universitetin e Tetovës, në Departamentin e gjuhës dhe letërsisë shqipe. Mbulon seminaret në lëndët: Histori e letërsisë shqipe – Poezi e sotme shqipe, Prozë e sotme shqipe, si dhe lëndën Teori e letërsisë. Paraprakisht ishte Drejtuese dhe kryeredaktore në Shtëpinë botuese “SYTH”, (2017) dhe Redaktore në shtëpinë botuese “Albas” në Tetovë (2002-2007)
Vjollcë Berisha ka qenë Sekretare e përgjithsme (2022) dhe Kryetare e Asamblesë së Gruas në Aleancën për Shqiptarët (nga 2021) si dhe Këshilltare komunale në Komunën e Tetovës (2009-2017). Momentalisht është Anëtare e Kryesisë së Aleancës për Shqiptarët.
Studimet deridiplomike për letërsi i ka kryer në Universitetin e Tetovës (2006), Magjistraturën në fushën e letërsisë poashtu në Universitetin e Tetovës (2010) dhe Doktoraturën në fushën e letërsisë në Universitetin e Tiranës (2021).
Tiron Jajaga, Kandidat për Zëvendës Ministër i Mbrojtjes
Tiron Jajaga ka mbi 10 vite përvojë pune në sektorin publik. Nga 2019 është Jurist për Çështje Ndërkombëtare në Sektorin për Marrëdhënie Ndërkombëtare në Ministrinë e Mbrojtjes. Paraprakisht ishte Këshilltar për Çështje të Mbrojtjes pranë Misionit të Maqedonisë së Veriut në NATO (2015-2019), Jurist për Çështje Ndërkombëtare në Sektorin për Marrëdhënie Ndërkombëtare në Ministrinë e Mbrojtjes (2012-2015) dhe zyrtar në Ministrinë për Sistem Politik (2009-2012). Para kësaj kishte punuar për 10 vite në sektorin privat dhe organizata joqeveritare.
Tiron Jajaga është Jurist i Diplomuar në Universitetin e Tetovës, Magjistër në drejtimin e së Drejtës Ndërkombëtare me Marrëdhënie Ndërkombëtare (LLM) pranë University of Kent, Brussels School of International Studies (Bruksel). Është njohës i mirë i gjuhës maqedone, angleze, italiane, frënge dhe gjermane.
Kujtojmë se votimi i propozimeve të Aleancës për Shqiptarët do të ndodh ditën e hënë nga ora 15:00 në Kuvendin e Maqedonisë pasi një gjë të tillë e ka propozuar qeveria në mbledhjen e fundit. /Telegrafi/
Promo
Reklamo këtuLufta Prigozhin - Putin
Më shumëTaravari: Kemi dalje masive, shpresoj që vëzhguesit ta mbrojnë votën e çdo qytetari
Pasuria e profesorit të suspenduar Xhevat Krasniqi: Mbi 160 mijë euro para të gatshme, 150 mijë euro pasuri të paluajtshme
Llukarevska: Pendarovski shkon në raundin e dytë
O'Brien bisedon me Kurtin, SHBA pret përparim urgjent në themelimin e Asociacionit
KSHZ jep detaje për përqindjen e daljes së votuesve deri në fund të procesit zgjedhor
Vdes një person në Pejë, dyshohet se u godit qëllimshëm nga vetura
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert