Asensio i pakënaqur me situatën te Reali, gjigantët evropianë duan ta shfrytëzojnë atë

Mesfushori i Real Madridit, spanjolli Marco Asensio po shqyrton mundësitë e tij për sezonin e ardhshëm, teksa po kërkohet nga skuadrat e mëdha evropiane.

Asensio ka treguar talentin dhe klasin e tij që nga transferimi te Real Madridi, por ka dështuar të gjej një vend titullari nën drejtimin e Zinedine Zidanes.

Kjo situatë, edhe përkundër paraqitjeve të mira dhe golave të shënuar e ka frustruar talentin spanjoll, i cili po shqyrton të ardhmen e tij.

Lexo po ashtu L’Equipe zgjedh Asension si lojtarin më të mirë në botë nën 21 vjeç, lë pas shumë yje

Sipas mediumit spanjoll Diario Gol, disa gjigantë të Ligës Premier janë në kontakt me Asension, të vetëdijshëm për frustrimet e tij që nuk po luan.

Spanjolli u sigurua nga presidenti Florentino Perez verën e kaluar, që do t’i jepte mundësi më të mëdha për të luajtur këtë sezon, por ai mbetet një lojtar rezervistë nën urdhrat e trajnerin Zidane.

Menaxheri i Manchester Cityt, Pep Guardiola është i etur për ta pasur në skuadër talentin spanjoll, ndërsa në Ligën Premier kërkohet edhe nga londinezët e Chelseat dhe Arsenalit.

Megjithatë, lista e skuadrave që e duan spanjollin nuk përfundon këtu, pasi edhe PSG-ja dhe Juventusi janë gjithashtu në kontakt me përfaqësuesit e të riut.

Lexo po ashtu Asensio dikur bënte foto para jahtit të Perez, sot luan te Real Madridi dhe e ka për president (Foto)

Asensio po i lë opsionet e tij të hapura, megjithëse të gjithë të interesuarit janë njoftuar se ai nuk do të shqyrtojë asnjë ofertë deri në qershor.

Anësori i Realit dëshiron të presë për të parë nëse mundësitë e tij të lojës përmirësohen para se të marrin një vendim përfundimtar. /Telegrafi/