Artan Thaqi: Banorët e këtij edicioni shumë më toksikë se ne vitin e kaluar, besoj do të kenë pasoja psikologjike pasi të dalin nga aty

Artan Thaqi, i njohur si banori i edicionit të parë të “Big Brother VIP Kosova”, ka qenë së fundmi i ftuar në “Shok Podcast”, ku ka ndarë mendimet e tij për sezonin e dytë të këtij formati televiziv që po mbahet aktualisht.

Gjatë bisedës me moderatorin Fis Juniku, Artan ka ofruar një perspektivë kritike dhe ka bërë krahasime midis edicionit të tij dhe atij që po ndodh tani.

Ndërsa Artan ka përjetuar vetë dinamikat e jetës brenda shtëpisë së “Big Brother”, ai ka vënë në dukje një ndryshim të qartë në mënyrën se si banorët e këtij edicioni po sjellin veten. “Për dallim nga ne, banorët e këtij viti janë shumë toksikë,” ka deklaruar ai, duke iu referuar shpesh përplasjeve dhe debateve të vazhdueshme që ndodhin mes tyre.

Sipas tij, ndërsa në sezonin e tij banorët kanë qenë të aftë të rikuperonin dhe të ktheheshin pas debateve, situata në sezonin e dytë duket më e ngarkuar.

@onimaspace Cfare mendimi ka Artani per BBVK2? ? . . . . . . #onima #trending #viral #viraltiktok #trendingtiktok #foryou #fy #foryoupage #perty #entertainment #podcast #shok #shokpodcast #talkshow #bbvip #bbvk ♬ original sound – ONIMA

Artan, i cili njihet gjithashtu si djali i humoristit të mirënjohur Rasim Thaqi – Cima, ka shprehur shqetësimin e tij për pasojat afatgjata që një ambient kaq i ngarkuar mund të ketë mbi anëtarët e shtëpisë. “Besoj do kenë pasoja psikologjike pasi të dalin jashtë nga aty,” u shpreh ai, duke theksuar ndikimin që stresi dhe tensionet e larta mund të kenë mbi shëndetin mendor të pjesëmarrësve.

Intervista me Artanin ka ofruar një vështrim të jashtëm dhe të reflektuar mbi realitetin e sotëm të “Big Brother VIP Kosova”, duke shtuar vlerë në diskutimet e shumta që ndodhin rreth këtij programi.

Si një ish-banor që ka përjetuar vetë sfidat e jetesës nën vëzhgimin 24/7, mendimet e Artanit janë të rëndësishme dhe sigurisht do të jenë subjekt i shumë bisedave dhe spekulimeve në mesin e fansave të “Big Brother”. /Telegrafi/