LAJMI I FUNDIT:

Arta fiton zemrat e zviceranëve, me vullnetin e saj për jetë

Arta fiton zemrat e zviceranëve, me vullnetin e saj për jetë

Arta Shabani, vajza 16-vjeçare e cila vuan nga një sëmundje e rëndë e cila ia ka shkatërruar mushkëritë, vazhdon të sfidojë me guxim e optimizëm sëmundjen e saj. Çështja se a do të jetojë Arta apo do t`i dorëzohet sëmundjes, varet nga gjetja e një mushkërie të përshtatshme e cila do t`i transplantohej asaj. Por, ajo tashmë është në garë me kohën: katër mushkëri që i janë ofruar, pasi janë testuar nga mjekët specialistë, kanë rezultuar të papërshtatshme për të.

Lufta për jetë o vdekje po vazhdon dhe Arta duket mjaftueshëm e fortë për ta përballuar. Babai i Artës, Burim Shabani nga Komuna e Vitisë, thotë për albinfo.ch se familjarët janë në gjendje të bëjnë çdo gjë për të mbijetuar ajo. Por, duket se jo çdo gjë varet nga vullneti i tyre.

Një shkrim që e pati publikuar blick.ch para pak ditësh dhe të cilin e ka transmetuar edhe albinfo.ch, ka bërë që me rastin e Artës të sensibilizohet një numër shumë i madh i zviceranëve dhe të tjerëve. Nga rreth 23 mijë ndjekës që ajo i kishte në rrjetin social instagram, për dy-tri ditë janë bërë 30 mijë sish dhe ngritja e numrit vazhdon. Ndërsa, videoja e saj tashmë është klikuar mbi 50 mijë herë. Artës i vijnë vazhdimisht mesazhe trimëruese të njerëzve të cilët krahas dhembjes për gjendjen e saj, shprehin edhe mahnitjen me vullnetin për jetë dhe vitalitetin që tregon vajza shqiptare.

Së fundi, Arta është bërë edhe një lloj ambasadoreje joformale e fushatës për sensibilizimin e njerëzve me dhurimin vullnetar të organeve, Swisstransplant. Ajo, duke iu drejtuar publikut, me shkrim dhe me zë e figurë, trimëron ata që ende janë në mëdyshje nëse do të japin ose jo organet e tyre për transplantim.

Shefi i Swisstranmsplant-it, Franz Immer thotë se, vetëm në tri ditët e fundit, si rezultat i sensibilizimit të publikut me rastin e Artës, njerëzit kanë porositur 8,000 libreza të reja për t`u bërë dhurues të organeve.

“Natyrisht, ne i trajtojmë të gjithë pacientët njësoj. Por mua më prek gjitheshi kur shoh se sa shumë njerëz luftojnë për jetën e një të riu, sikur në këtë rast, për jetën e Artës”, thotë Immer.

Në trend Lajme

Më shumë
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Një derë e re për drejtësi: Si do të mund t'i drejtohen kosovarët Gjykatës së Strasburgut?

Një derë e re për drejtësi: Si do të mund t'i drejtohen kosovarët Gjykatës së Strasburgut?

Drejtësi
Gjendet në një humnerë personi i raportuar si i zhdukur në Prevallë

Gjendet në një humnerë personi i raportuar si i zhdukur në Prevallë

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Juristat e UP-së të tretët në botë në garën ndërkombëtare për drejtësi

Juristat e UP-së të tretët në botë në garën ndërkombëtare për drejtësi

Arsim
Kalo në kategori